فیصل آباد میں ہنگامی حالات کے دوران آگ بجھانے کے لیے نصب کیے گئے ایمرجنسی واٹر سسٹم کا حیران کن استعمال سامنے آگیا جہاں شہریوں نے اسے ہاتھ اور چہرہ دھونے کے لیے استعمال کرنا شروع کر دیا۔
سوشل میڈیا پر وائرل ہونے والی ویڈیو میں دیکھا جا سکتا ہے کہ متعدد افراد آگ بجھانے کے لیے مختص اس ایمرجنسی واٹر سسٹم سے ہاتھ اور چہرہ دھو رہے ہیں حالانکہ یہ سہولت کسی بھی آتشزدگی کی صورت میں فوری امدادی کارروائیوں کو ممکن بنانے کے لیے نصب کی گئی تھی۔
فیصل آباد میں ایمرجنسی میں آگ بجھانے کیلئے لگایا گیا پانی کے سسٹم سے عوام نے ہاتھ منہ دھونے کیلئے استعمال شروع کر دیا 🤦🏼♀️ pic.twitter.com/0OB5mvC957
— Fatima PTI (@FatimaPTI_IK) July 26, 2026
ویڈیو وائرل ہونے کے بعد سوشل میڈیا پر عوامی املاک کے غلط استعمال، شہری شعور اور ایمرجنسی سہولیات کے تحفظ سے متعلق نئی بحث چھڑ گئی ہے۔ متعدد صارفین کا کہنا ہے کہ یہ نظام انسانی جانوں اور املاک کو بچانے کے لیے نصب کیا گیا تھا مگر افسوس کہ بہت سے لوگوں کو اس کی اہمیت اور مقصد کا ہی علم نہیں۔
کئی صارفین نے رائے دی کہ اس معاملے میں کسی ادارے یا حکومت سے زیادہ عوام کو اپنی ذمہ داری کا احساس کرنا چاہیے اور قومی و عوامی املاک کا درست استعمال یقینی بنانا چاہیے۔
یہ بھی پڑھیں: کراچی میں معمولی ٹکر پر کار سوار کا فوڈ ڈیلیوری رائیڈر پر ہاکی سے حملہ، ویڈیو وائرل
شہریوں اور سماجی حلقوں نے متعلقہ اداروں سے مطالبہ کیا ہے کہ ایمرجنسی آلات اور سہولیات کے درست استعمال سے متعلق مؤثر آگاہی مہم چلائی جائے، واضح ہدایات اور انتباہی بورڈز نصب کیے جائیں، جبکہ ان سہولیات کے غیر ضروری استعمال کی حوصلہ شکنی کے لیے بھی مؤثر اقدامات کیے جائیں تاکہ ضرورت کے وقت یہ نظام اپنی اصل مقصد کے مطابق بروقت استعمال ہو سکے۔
