بھارت کے شہر کولکتہ میں بدھ کی علی الصبح ایک ہوٹل میں ہولناک آتشزدگی کے نتیجے میں کم از کم 9 افراد جاں بحق اور 6 زخمی ہوگئے۔
آگ نیو مارکیٹ کے قریب فری اسکول اسٹریٹ پر واقع ہوٹل میں رات قریباً 2 بجے لگی اور دیکھتے ہی دیکھتے عمارت کے دیگر حصوں تک پھیل گئی۔ آگ لگنے کے وقت بیشتر مہمان سو رہے تھے، جس کے باعث دھویں نے عمارت کو اپنی لپیٹ میں لے لیا اور متعدد افراد اندر پھنس گئے۔
مزید پڑھیں:بنکاک کے شراب خانے میں ہولناک آتشزدگی، 27 افراد جاں بحق، 60 سے زائد زخمی
اطلاع ملتے ہی فائر بریگیڈ کی گاڑیاں، پولیس اور ڈیزاسٹر مینجمنٹ کی ٹیمیں موقع پر پہنچ گئیں۔ فائر فائٹرز نے عمارت میں پھنسے افراد کو نکالنے کے لیے ریسکیو آپریشن شروع کیا اور کئی افراد کو کھڑکیوں کے ذریعے باہر نکالا۔ شدید دھویں کے باعث بالائی منزلوں تک پہنچنے میں مشکلات کا سامنا کرنا پڑا، تاہم بعد ازاں آگ پر قابو پالیا گیا۔
Just saw the news about that hotel fire in Kolkata… at least 9 people died, including a child.
These old buildings in the middle of the city keep catching fire and nothing changes.
Where is the government when it comes to basic safety checks and fire norms? Feels like lives…— Arffa Khannum (@ARFAKHANUMS) August 19, 2026
حکام کے مطابق جاں بحق افراد میں ایک بچہ بھی شامل ہے۔ بعض رپورٹس میں بتایا گیا ہے کہ متاثرین میں بنگلہ دیشی شہری بھی شامل تھے جو طبی علاج کے لیے کولکتہ آئے تھے۔
ابتدائی اطلاعات کے مطابق آگ ہوٹل کی تیسری منزل پر لگی اور ممکنہ طور پر ایئر کنڈیشنر میں دھماکے کے باعث شروع ہوئی، تاہم آگ لگنے کی حتمی وجہ ابھی معلوم نہیں ہوسکی اور تحقیقات جاری ہیں۔
مزید پڑھیں:دہلی کے ریسٹورنٹ میں ہولناک آتشزدگی، 21 افراد ہلاک
واقعے کے بعد عمارت میں فائر سیفٹی انتظامات اور ہنگامی اخراج کے راستوں سے متعلق بھی سوالات اٹھ رہے ہیں۔ پولیس اور فرانزک ماہرین نے تحقیقات شروع کردی ہیں تاکہ آتشزدگی کی اصل وجہ اور کسی ممکنہ غفلت کا تعین کیا جاسکے۔
