بالی ووڈ اسٹار سلمان خان پسندیدہ ریئلٹی شو میزبانوں کی فہرست میں سب سے آگے نکل گئے ہیں۔
پسندیدہ ریئلٹی شو میزبانوں کے انتخاب میں سلمان خان نے انسٹاگرام پر 79 فیصد اور یوٹیوب پر 64 فیصد ووٹ حاصل کیے، انہوں نے روہت شیٹی، فرح خان اور رتیش دیش مکھ کو پیچھے چھوڑ دیا۔
یہ بھی پڑھیں: ’ہر طرف گندگی اور صرف ایک بیت الخلا‘، سلمان خان نے جیل میں گزرے دنوں کا حال سنا دیا
’ورائٹی انڈیا‘ نے اپنے صارفین سے پسندیدہ ریئلٹی شو میزبان کے انتخاب کے لیے ووٹ مانگے، جس میں سلمان خان نے انسٹاگرام اور یوٹیوب دونوں پر واضح برتری حاصل کی۔
انسٹاگرام پر سلمان خان کو 79 فیصد ووٹ ملے، جبکہ ’خطرون کے کھلاڑی 15‘ کے میزبان روہت شیٹی 19 فیصد ووٹ لے کر دوسرے نمبر پر رہے۔
View this post on Instagram
’لاک اپ: سچ یا سزا‘ کی میزبان فرح خان اور رتیش دیش مکھ کو مجموعی طور پر 2 فیصد ووٹ ملے، جبکہ ’دی ٹریٹرز‘ کے دوسرے سیزن کے میزبان کرن جوہر نے ایک فیصد ووٹ حاصل کیے۔
یہ بھی پڑھیں: سلمان خان قانونی مشکل میں، 3 کروڑ روپے کے تنازع پر عدالت نے طلب کرلیا
یوٹیوب پر بھی سلمان خان سب سے آگے رہے اور انہیں 64 فیصد ووٹ ملے۔ روہت شیٹی 19 فیصد ووٹ کے ساتھ دوسرے نمبر پر رہے، جبکہ کرن جوہر کو 10 فیصد ووٹ ملے۔ فرح خان اور رتیش دیش مکھ نے مجموعی طور پر 8 فیصد ووٹ حاصل کیے۔
سلمان خان اس وقت ’بگ باس‘ کے 20ویں سیزن کی میزبانی کر رہے ہیں۔ وہ 2010 میں چوتھے سیزن سے اس ریئلٹی شو کی میزبانی کر رہے ہیں۔
فلمی محاذ پر سلمان خان حال ہی میں جنگی ڈراما ’ماتری بھومی: مے وار ریسٹ اِن پیس‘ میں نظر آئے، جو بھارت اور چین کی فوجوں کے درمیان 2020 میں گلوان وادی میں ہونے والی جھڑپ کے پس منظر میں بنائی گئی ہے۔ فلم 14 اگست 2026 کو سنیما گھروں میں ریلیز ہوئی۔
یہ بھی پڑھیں: سلمان خان کو دھمکیاں دینے کے پیچھے کوئی گینگ نہیں تھا، ممبئی پولیس کا حیران کن انکشاف
اس سے قبل رواں برس سلمان خان رشمیکا مندانا کے ساتھ ایکشن ڈراما ’سکندر‘ میں بھی مرکزی کردار ادا کر چکے ہیں۔
