وزیراعظم محمد شہباز شریف اور صدر مملکت آصف علی زرداری نے قومی مطالعۂ اخبارات کے دن کے موقع پر اخبارات کی اہمیت اور ذمہ دارانہ صحافت کے کردار کو اجاگر کرتے ہوئے کہا ہے کہ ڈیجیٹل اور سوشل میڈیا کے تیزی سے فروغ کے باوجود اخبارات آج بھی عوام کو مستند معلومات، متنوع نقطۂ نظر اور حالات حاضرہ کے پس منظر سے آگاہ کرنے کا اہم ذریعہ ہیں۔
مزید پڑھیں:بنگلہ دیش: اخبارات کے دفاتر پر حملوں میں ملوث مزید 9 افراد گرفتار
وزیراعظم نے کہا کہ تحریک آزادی کے دوران اخبارات نے سیاسی شعور اور اتحاد کے فروغ میں اہم کردار ادا کیا جبکہ قیام پاکستان کے بعد صحافت نے جمہوریت کے استحکام، شفافیت اور عوام کو قومی و بین الاقوامی امور سے باخبر رکھنے میں قابل قدر خدمات انجام دیں۔ انہوں نے جعلی خبروں اور گمراہ کن اطلاعات کے دور میں تحقیق و تصدیق پر مبنی معیاری صحافت کی اہمیت پر زور دیا۔
Message from Mr. Asif Ali Zardari, President of the Islamic Republic of Pakistan, on National Newspapers Readership Day, 25th September 2026
As we mark National Newspapers Readership Day today, I reaffirm my faith in a free press and its role as the Fourth Estate in protecting… pic.twitter.com/1imj95em9E
— The President of Pakistan (@PresOfPakistan) September 24, 2026
صدر مملکت نے کہا کہ اخبارات ریاست کے چوتھے ستون کی حیثیت سے شہریوں کے حقوق کے تحفظ، انہیں ذمہ داریوں سے آگاہ کرنے اور فیصلہ سازوں کے احتساب میں اہم کردار ادا کرتے ہیں۔ انہوں نے نوجوانوں پر زور دیا کہ وہ مطبوعہ یا ڈیجیٹل پلیٹ فارمز کے ذریعے اخبارات کے مطالعے کی عادت اپنائیں اور جدید ٹیکنالوجی کی مہارتیں بھی حاصل کریں۔
مزید پڑھیں:حکومت سندھ کا ٹیکس چوروں کے نام اخبارات میں شائع، اکاؤنٹس منجمند کرنے کا فیصلہ
دونوں رہنماؤں نے صحافیوں، مدیران، فوٹوگرافروں، پریس ورکرز اور شعبۂ اخبارات سے وابستہ افراد کی خدمات کو سراہتے ہوئے آزاد، ذمہ دار، قابل اعتماد اور متوازن صحافت کے فروغ کی اہمیت پر زور دیا۔
