صومالیہ کے نیم خودمختار علاقے پنٹ لینڈ کی میری ٹائم پولیس فورس نے قزاقوں کے قبضے سے آئل ٹینکر ایم ٹی آنر 25 بازیاب کرا لیا، تاہم کارروائی سے قبل قزاقوں نے عملے کے 5 ارکان کو قتل کردیا۔
مزید پڑھیں:صومالیہ: ترک ہتھیار لے جانے والا کارگو جہاز قزاقوں نے ہائی جیک کرلیا، 6 بھارتی بھی سوار
Five Killed as Puntland Forces Retake Hijacked Tanker Honour 25 Off Somalia — Three Pakistanis Among the Dead
Puntland Maritime Police Force has taken control of the Palau-flagged oil tanker MT Honour 25 (also reported as Honor 25 / Honour 25) after an operation off the Bandar…
— Muhammad Fahad (@myrules_fahad) September 29, 2026
پنٹ لینڈ حکام کے مطابق ہلاک ہونے والوں میں 3 پاکستانی، ایک میانمار اور ایک بھارتی شہری شامل ہیں، جبکہ 3 پاکستانیوں اور ایک بھارتی شہری سمیت 4 افراد زخمی بھی ہوئے۔
پنٹ لینڈ میری ٹائم پولیس فورس کے مطابق بحری اور زمینی یونٹس نے بندر بیلا ضلع کے علاقے دھرین بار میں کارروائی کرتے ہوئے قزاقوں کے قبضے سے جہاز کو بازیاب کرایا۔ کارروائی کے دوران متعدد قزاقوں کو گرفتار کیا گیا، جنہیں عدالت میں پیش کیا جائے گا۔
ایم ٹی آنر 25 آئل ٹینکر کو 21 اپریل کو پنٹ لینڈ کے ساحل کے قریب قزاقوں نے اغوا کیا تھا۔ جہاز پر 17 رکنی عملہ موجود تھا، جن میں 10 پاکستانی شہری شامل تھے۔
Puntland Maritime Police Force (PMPF) carried out a maritime operation off the coast of Dharin-baar, Bandar Beyla District, successfully rescuing the MT HONOUR 25 oil tanker, which had been hijacked by pirates. pic.twitter.com/5Q15CgIBkr
— Puntland Maritime Police Force (@PMPFOfficial) September 29, 2026
پاکستانی حکام کی جانب سے پاکستانی شہریوں کی ہلاکت کی آزادانہ اور باضابطہ تصدیق تاحال سامنے نہیں آئی۔ دفتر خارجہ کے مطابق پاکستانی مشن صورتحال کی تصدیق اور حقائق جاننے کے لیے متعلقہ حکام سے رابطے میں ہے۔
انصار برنی ٹرسٹ کے مطابق واقعے میں جاں بحق ہونے والے پاکستانیوں میں سیکنڈ آفیسر سید کاشف عمر، تھرڈ انجینیئر محمود احمد انصاری اور رفیع اللہ شامل ہیں، تاہم ان ناموں اور ہلاکتوں کی حتمی سرکاری تصدیق کا انتظار ہے۔
Puntland forces have freed the Honour 25 after a gun battle with suspected pirates off the Somali coast. The operation reportedly led to injuries and arrests, marking the second vessel the authorities say they have recovered. pic.twitter.com/27lJlgj6oh
— Dalsan TV (@DalsanTv) September 29, 2026
واقعے کے بعد زخمی عملے کو طبی امداد کی فراہمی کے لیے بھی کوششیں جاری ہیں۔ ایم ٹی آنر 25 کا اغوا 5 ماہ سے زائد عرصے تک جاری رہا، جس دوران پاکستانی عملے کے اہلخانہ اپنے پیاروں کی رہائی کے لیے حکام سے مدد کی اپیل کرتے رہے۔
