وفاقی دارالحکومت اسلام آباد میں ہلکی بوندا باندی، آسمان پر چھائے بادلوں اور ٹھنڈی ہواؤں نے موسم خوشگوار بنا دیا، جس سے شہریوں کا ویک اینڈ بھی خوشگوار ہوگیا۔
یہ بھی پڑھیں:اسلام آباد میں موسلا دھار بارش، ٹریفک پولیس کی شہریوں کو احتیاطی تدابیر اختیار کرنے کی ہدایت
محکمہ موسمیات کے مطابق اسلام آباد میں بارش کا سلسلہ آئندہ 2 روز تک جاری رہنے کا امکان ہے، جبکہ ملک کے دیگر علاقوں میں بھی بارش کی پیش گوئی کی گئی ہے۔
کشمیر، گلگت بلتستان اور خیبرپختونخوا کے بالائی علاقوں میں بارش متوقع ہے، جبکہ پنجاب کے بعض بالائی علاقوں، جن میں راولپنڈی، اٹک اور جہلم شامل ہیں، وہاں بھی وقفے وقفے سے ہلکی بارش کا امکان ہے۔
ٹریفک ایڈوائزری
بارش کے دوران احتیاطی تدابیر۔۔۔۔اسلام آباد میں موسلا دھار بارش کا سلسلہ جاری ہے۔
مختلف سڑکوں پر پانی کھڑا ہونے سے ٹریفک روانی سست ہوسکتی ہے۔
بارش کے دوران گاڑی و موٹرسائیکل کی رفتار آہستہ رکھیں اور آگے والی گاڑیوں سے فاصلہ رکھیں۔
بارش میں فوگ لائٹس کا… pic.twitter.com/kNLW0ZWzsD
— Islamabad Police (@ICT_Police) October 24, 2026
محکمہ موسمیات نے شہریوں کو غیر ضروری سفر سے گریز کرنے کی ہدایت کی ہے۔ ویک اینڈ پر مری، گلیات اور دیگر تفریحی مقامات کا رخ کرنے والوں کو سفر سے پہلے ٹریفک ایڈوائزری اور تازہ صورت حال معلوم کرنے کا مشورہ دیا گیا ہے تاکہ موسم کی خرابی یا ٹریفک کی ممکنہ مشکلات سے بچا جا سکے۔
