کترینہ کیف نے ایک بیوٹی ایونٹ میں اپنے اسٹائلش انداز سے نہ صرف مداحوں کو محظوظ کیا بلکہ انہیں حیران بھی کردیا۔ ان کے لباس میں ٹینک ٹاپ، اسٹائلش بلیزر اور نیلے رنگ کی جینز شامل ہیں۔ کترینہ کا کہنا تھا کہ انہوں نے اپنے مداحوں کو ویک اینڈ ٹریٹ دیا ہے۔
کترینہ کیف نے ہفتہ کے روز ایک بیوٹی ایونٹ میں شرکت کی جس نے فیشن کے شائقین کو حیران کردیا۔ کترینہ ان اداکاراؤں میں سے ایک ہیں جو کسی بھی لباس کو ٹرینڈ میں بدل سکتی ہیں، اداکارہ فی الحال اپنی آنے والی فلم ٹائیگر 3 کی ریلیز کی تیاری کر رہی ہیں۔
کترینہ اگرچہ سوشل میڈیا پر زیادہ سرگرم نہیں ہیں، لیکن جب بھی وہ کچھ نیا کرتی ہیں شہ سرخیوں میں آنا یقینی بناتی ہیں۔ انہوں نے انسٹاگرام پر حیرت انگیز تصاویر بھی اپ لوڈ کیں۔ پوسٹ میں کترینہ اسٹائلش لباس میں نظر آ رہی ہیں جبکہ وہ اپنی خوبصورت مسکراہٹ سے دلکشی بھی بڑھا رہی ہیں۔
مزید پڑھیں
کترینہ کی پوسٹ تیزی سے سوشل میڈیا پر وائرل ہوئی اور چند گھنٹوں میں ہی 8 لاکھ سے زیادہ لائیکس اور مداحوں کی جانب سے بے شمار تبصرے کیے گئے جو ان کے نئے روپ پر خوشی کا اظہار کرنے سے باز نہ آ سکے۔
مشہور فیشن اسٹائلسٹ پریانکا کپاڈیہ اور ہیئر اسٹائلسٹ امیت ٹھاکر کی مدد سے کترینہ نے سونے کے زیورات کے ساتھ نیا روپ دھارا، جس میں دل کی شکل کا ہار بھی شامل ہے۔ آئی شیڈو، کاجل والی پلکیں، سیاہ بھنویں، سرخ گالوں اور گلابی رنگ کی لپ اسٹک کے ساتھ انہوں نے مداحوں کو خوب لبھایا۔
