پنجاب حکومت نے فضائی آلودگی سے نمٹنے کے لیے اہم اقدامات کا اعلان کرتے ہوئے جمعہ 10 نومبر کو سرکاری تعطیل کا اعلان کر دیا ہے۔
نگراں وزیراعلیٰ پنجاب محسن نقوی نے پریس کانفرنس کرتے ہوئے کہاکہ جمعہ، ہفتہ اور اتوار کو سرکاری اسکول اور دفاتر بند رہیں گے۔ ماحولیاتی آلودگی پھیلانے والی فیکٹریوں کے خلاف کارروائی کی جا رہی ہے۔ ’جمعرات کو پہلے سے ہی پورے ملک میں تعطیل کا اعلان ہو چکا ہے‘۔
مزید پڑھیں
انہوں نے کہاکہ لاہور اس وقت دنیا کا آلودہ شہر ہے، کوشش کر رہے ہیں کہ فضائی آلودگی میں کمی لائی جائے۔ لوگوں سے التماس ہے کہ ماسک کا استعمال کریں۔
انہوں نے کہاکہ بھارت میں فصلیں جلائے جانے کی وجہ سے فضائی آلودگی پھیل رہی ہے، ہم اس وقت تمام فیصلے ماحولیاتی ایمرجنسی کے تحت کر رہے ہیں، ہیلتھ ایمرجنسی بھی نافذ کی جا رہی ہے۔
واضح رہے کہ لاہور میں فضائی آلودگی برقرار ہے، لاہور ہائیکورٹ میں بھی اسموگ کے تدارک کے لیے دائر درخواستوں پر سماعت ہوئی۔
عدالت نے ریمارکس دیے کہ اگر کسی علاقے میں فصلوں کی باقیات کو جلایا گیا تو متعلقہ ڈپٹی کمشنر کے خلاف فوری کارروائی کی جائے۔
عدالت نے ممنوعہ ایندھن بنانے والی فیکٹریوں کے خلاف شمالی لاہور میں آپریشن کرنے کا حکم دیا۔ اور اس حوالے سے کمشنر لاہور، سی سی پی او اور جوڈیشل کمیشن کی میٹنگ آج ہی کرنے کے احکامات دیے۔
لاہور ہائی کورٹ نے احکامات دیے کہ اس آپریشن کو ایس پی لیول کا آفیسر لیڈ کرے۔
وکیل پی ایچ اے نے موقف اختیار کیا کہ پی ایچ اے دن میں 2 دفعہ پانی کا چھڑکاؤ کر رہا ہے۔