بھارتی نژاد کینیڈین شاعرہ اور فنکارہ روپی کور نے اسرائیل کی حمایت پر جوبائیڈن انتظامیہ کی دیوالی کی تقریب میں شرکت سے انکار کر دیا ہے۔
سماجی رابطے کی ویب سائیٹ پر روپی کور نے لکھا کہ انہیں حیرت ہے کہ فلسطینیوں پر جاری مظالم کی حمایت کے باوجود جوبائیڈن انتظامیہ دیوالی منارہی ہے۔انہوں نے کہا وہ ہر ایسی دعوت کو مسترد کرتی ہیں جس میں عام لوگوں کو بے رحمی سے مارنے والوں کی حمایت کی گئی ہو۔
مزید پڑھیں
روپی کور نے جنوبی ایشیا کی دیگر شخصیات پر بھی زور دیا کہ وہ جوبائیڈن کی تقریب میں شرکت نہ کریں اور امریکی صدر سے غزہ میں مارے جانے والے ہزاروں افراد کا حساب مانگا جائے۔
بھارتی نژاد کینیڈین شاعرہ کا مزید کہنا تھا کہ جوبائیڈن انتظامیہ کی طرف سے جنگ بندی سے انکار کے باعث روزانہ مظلوم فلسطینی موت کے منھ میں جا رہے ہیں اور اس پر ہمیں خاموش نہیں رہنا چاہیے۔
