عوامی مسلم لیگ کے سربراہ اور سابق وزیر داخلہ شیخ رشید احمد کو کارِسرکار میں مداخلت کے مقدمے میں لمبی مہلت مل گئی ہے۔ مقامی عدالت نے سماعت آئندہ برس 24 فروری تک ملتوی کر دی۔
کیس کی سماعت جوڈیشل مجسٹریٹ مری محمد ذیشان نے کی۔ شیخ رشید احمد نے عدالت میں اپنی حاضری لگوائی۔ شیخ رشید احمد کے وکیل سردار شہباز ایڈوکیٹ بھی عدالت پیش ہوئے۔ مری پولیس نے شیخ رشید کے خلاف مقدمے کا چالان بھی عدالت میں پیش کردیا ہے۔
مزید پڑھیں
یاد رہے کہ رواں برس فروری میں شیخ رشید احمد کے خلاف گرفتاری کے دوران پولیس سے مزاحمت اور اہلکار کی وردی پھاڑنے کے الزام میں کارِسرکار میں مداخلت کی دفعات کے تحت تھانہ مری میں مقدمہ درج کیا گیا تھا۔ عدالت نے کیس کی سماعت آئندہ برس 24 فروری تک ملتوی کر دی ہے۔
