برطانیہ کے بادشاہ چارلس کو کینسر کی تشخیص ہو ئی ہے۔
بکنگھم پیلس کے ایک بیان کے مطابق بادشاہ بادشچارلس کو کینسر کی ایک قسم کی تشخیص ہوئی ہے۔
King Charles diagnosed with cancer https://t.co/6vrxCKIF6p pic.twitter.com/OKv6tYoc5c
— Newsweek (@Newsweek) February 5, 2024
بکنگھم پیلس نے کہا ہے کہ بادشاہ چارلس اپنا علاج کرانے کے بعد جلد از جلد فرائض کی انجام دہی کے لیے پُرعزم ہیں۔
بیان میں کہا گیا ہے کہ بادشاہ چارلس اپنے علاج کے دوران عوامی مصروفیات ختم کر دیں گے۔ اس دوران یہ توقع کی جا رہی ہے کہ شاہی خاندان کے دیگر افراد ان کے علاج کے دوران ان کی جگہ خدمات انجام دیں گے۔
مزید پڑھیں
بادشاہ چارلس کو کینسر کی کس قسم کی تشخیص ہوئی ہے اور اسٹیج کون سا ہے اس حوالے سے مزید تفصیلات ابھی سامنے نہیں آئیں۔
بادشاہ چارلس اپنے علاج کے دوران عوامی مصروفیات تو ختم کر دیں گے لیکن ریاست کے سربراہ کے طور پر ان کا آئینی کردار جاری رہے گا۔
بتایا جا رہا ہے کہ تقریباً ایک ہفتہ قبل لندن کے ایک اسپتال میں ان کا پروسٹیٹ کا پروسیجر ہوا تھا۔ اور اُس وقت یہ کہا گیا تھا کہ بادشاہ نے اس لیے عوامی سطح پر یہ بتانے کا فیصلہ کیا ہے کہ زیادہ سے زیادہ مرد پروسٹیٹ کا چیک کروائیں۔
