بالی وڈ کے معروف اداکار نواز الدین صدیقی نے کہا ہے کہ پاکستانی ڈرامہ نگار اور اداکار دونوں ہی باکمال ہیں۔
مزید پڑھیں
حال ہی میں مغربی میڈیا کو دیے گئے ایک انٹرویو میں انہوں نے کہا کہ پاکستانی ڈرامے بھارت میں بھی کافی دیکھے جاتے ہیں، پاکستان میں ڈرامہ نگار اور اداکار دونوں ہی بہت اچھے اور باکمال ہیں۔
اپنے فلمی کیرئر کے یادگار کرداروں کے بارے میں گفتگو کرتے ہوئے نواز الدین صدیقی نے بتایا کہ جب انہیں فلم ’منٹو‘ میں سعادت حسن منٹو کا کردار ادا کرنے کی پیشکش کی گئی تو انہوں نے سوچا کہ انہیں منٹو کا کردار ادا نہیں کرنا چاہیے۔
انہوں نے کہا، ’اس وقت میں نے یہ سوچا کہ اگر نواز الدین خود منٹو ہوتا تو کیسا ہوتا، لہٰذا میں نے خود کو ہی سامنے رکھتے ہوئے یہ کردار ادا کیا۔‘
فلم ’بجرنگی بھائی جان‘ میں پاکستانی صحافی چاند نواب کی کراچی ریلوے اسٹیشن پر رپورٹنگ کی نقل کرنے کے سین سے متعلق انہوں نے بتایا کہ اس سین کو شوٹنگ سے ایک دن پہلے انہوں نے 100 مرتبہ دہرایا تھا۔
ان کا کہنا تھا، ’میں اس سین کی اس قدر پریکٹس کر چکا تھا کہ اگر آپ مجھے صبح کو اٹھاتے تو میں ایک ہی سانس میں پورا اسکرپٹ بول سکتا تھا۔‘
انہوں نے چاند نواب کے کردار کے حوالے سے کہا کہ لوگوں کو چاہیے کہ وہ ایسی غلطیاں دہراتے رہیں تاکہ مزہ آتا رہے۔