غزہ میں اسرائیل کے خلاف مزاحمتی تحریک حماس کے حامی ہیکرز نے اسرائیل کی حامی کمپنیوں کا ڈیٹا ہیک کرنے کے لیے نئے مالویئرز(وائرس) استعمال کرنے لگے ہیں، اس مالویئر کو ’بی بی‘ کا نام دیا گیا ہے، اس مالویئر نے اسرائیل میں تشویش کی لہر پیدا کردی ہے۔
وائرس پلیٹ فارم ٹوٹل کے مطابق حماس کے حامی ہیکرز اسرائیل کی حمایت یافتہ کمپنیوں کا ڈیٹا ہیک کر رہے ہیں، جس سے اسرائیل میں تشویش کی لہر دوڑ گئی ہے۔
مزید پڑھیں
حماس کے حامی ہیکرز اسرائیلی کمپنیوں کا ڈیٹا ہیک کرنے کے لیے جدید بنیادوں پر استوار مالویئر استعمال کررہی ہیں، بی بی مالویئر(وائرس) ایک وائپر قسم کا مالویئر ہے جو ڈیٹا کو مٹانے اور کرپٹ کرنے کے لیے ڈیزائن کیا گیا ہے۔
مالویئر کی دوسری اقسام کے برعکس بی بی کے ہیک کیے ہوئے ڈیٹا کو ریکور کرنا بہت مشکل ہے۔
بی بی مالویئر گزشتہ سال اکتوبر حماس اسرائیل جنگ کے آغاز پر حماس سے وابستہ ایک ہیکر گروپ نے تیار کیا تھا، یہ مالویئر اسرائیل کی حامی کمپنیوں کا ڈیٹا ڈیلیٹ اور کرپٹ کرنے کے لیے بنایا گیا تھا۔
بی بی (BiBi) مالویئر کیسے کام کرتا ہے؟
بی بی مالویر کمپیوٹر میں موجود ڈیٹا فائلز میں گھس کر انہیں کرپٹ یا ڈیلیٹ کردیتا ہے، یہ مالویئر کمپیوٹر میں موجود ڈیٹا کی تمام شیڈو کاپیز کو بھی حذف کر دیتا ہے، متاثرہ سسٹم کی بوٹ پالیسی کو تبدیل کرتا ہے اور خودکار بحالی کے اختیارات کو غیر فعال کر دیتا ہے۔
اس مالویئر کے حملے میں ایسی تکنیک استعمال کی جاتی ہے کہ کرپٹ یا ڈیلیٹ ہونے والی فائلز ریکور نہیں ہوتی اور کوئی بھی طریقہ ان فائلز کی ریکوری کے لیے کارآمد نہیں ہوتا۔
یہ بات بھی سامنے آئی ہے کہ مذکورہ ہیکر گروپ اب بھی فعال ہے اور مالویئر کے نئے ورژن کی تیاری کررہا ہے۔
سائبر کمپنی سائی فاکس کے سیکورٹی ریسرچر عدن ملیچی کے مطابق (جو کہ AI پر مبنی معلومات کے تحفظ کے حل فراہم کرنے میں مہارت رکھتے ہیں) بی بی اسرائیل کی حامی کمپنیوں کے بنیادی ڈیٹا کو خراب کردیتا ہے، تاہم اس ہیکرز گروپ سے منسلک ہیکرز کے بارے میں ابھی تک کوئی معلومات نہیں ہیں کہ یہ کون لوگ ہیں، نہ کسی کا نام سامنے آیا ہے۔
