آئرلینڈ نے پاکستان کے خلاف ٹی20 سیریز کے شیڈول کا اعلان کردیا ہے، پاکستان کرکٹ ٹیم 5 سال بعد 3 میچز پر مشتمل ٹی20 سیریز کے لیے آئرلینڈ کا دورہ کرے گی۔
مزید پڑھیں
آئرش کرکٹ بورڈ کی جانب سے اعلان کیا گیا ہے کہ پاکستان اور آئرلینڈ کی ٹیمیں 10، 12 اور 14 مئی کو ٹی20 میچز میں ایک دوسرے کے مدمقابل آئیں گی۔
واضح رہے کہ آئرلینڈ روانہ ہونے سے قبل قومی ٹیم نیوزی لینڈ کے خلاف پانچ ٹی20 میچز کی سیریز کھیلے گی، جو اپریل میں شیڈول ہے۔ نیوزی لینڈ اور آئرلینڈ کی ٹیموں کے مابین سیریز امریکا اور ویسٹ انڈیز میں ہونے والے ٹی20 ورلڈکپ سے قبل پریکٹس کا حصہ ہیں۔
رواں برس جنوری میں نیوزی لینڈ اور پاکستان کے درمیان 5 میچز کی ٹی20 سیریز کھیلی گئی تھی جس میں پاکستان کی ٹیم وائٹ واش سے بچ گئی تھی۔ میزبان نیوزی لینڈ نے یہ سیریز 4 ایک سے اپنے نام کی تھی۔