پاکستان اور نیوزی لینڈ کے درمیان 5 میچوں پر مبنی ٹی20 سیریز کا آخری میچ آج لاہور کے قذافی اسٹیڈیم میں کھیلا جائے گا، سیریز میں مہمان ٹیم کو 2-1 کی برتری حاصل ہے۔
لاہور کے قذافی اسٹیڈیم میں کھیلے جانے والا پانچواں ٹی20 میچ آج بارش کی نذر ہونے کا امکان ہے، گزشتہ روز بھی لاہور میں بارش کے باعث مہمان ٹیم کا آپشنل ٹریننگ سیشن ممکن نہیں ہوسکا تھا۔
مزید پڑھیں
تاہم، محکمہ موسمیات نے آج اسلام آباد سمیت ملک کے بیشتر علاقوں جن میں لاہور بھی شامل ہے میں بارش کی پیش گوئی کررکھی ہے۔
واضح رہے نیوزی لینڈ اور پاکستان کے درمیان کھیلے جانے والا سیریز کا پہلا میچ بھی بارش کی نذر ہوگیا تھا، جبکہ دوسر میچ میں شاہینوں نے کیویز کو پچھاڑ دیا تھا اور سیریز میں 1-0 سے برتری حاصل کرلی تھی۔
اگلے دونوں میچز جن میں سے ایک راولپنڈی کرکٹ اسٹیڈیم اور دوسرا لاہور قذافی کرکٹ اسٹیڈیم میں کھیلا گیا، دونوں کیویز نے اپنے نام کیے اور قومی ٹیم کو شکست دے کر سیریز میں برتری حاصل کرلی۔
