جنوبی کیرولینا کی ایک چھوٹی نسل کی گھوڑی نے سب سے لمبی دم کا عالمی ریکارڈ توڑ دیا۔
مزید پڑھیں
سوئٹی نامی اس گھوڑی کی دم 5 فٹ اور 11.26 انچ لمبی ہے جس کے باعث گنیز بک آف ورلڈ ریکارڈز کی جانب سے اسے فاتح قرار دے دیا گیا۔
سوئٹی نامی کی عمر 36 برس ہے اور وہ 3 فٹ اور ایک انچ لمبی ہے۔
اس کی مالکن ریسا فارمیسانو نے گنیز ورلڈ ریکارڈ کو بتایا کہ وہ سوئٹی کی دم کو اپنے پیچھے گھسیٹنے سے روکنے کے لیے لپیٹ دیتی ہیں۔ ریسا اپنی گھوڑی کی دم کو سال میں 2 مرتبہ دھوتی اور کنڈیشن بھی کرتی ہیں۔
ریسا اپنی ایک گھوڑی کی موت کے بعد سوئٹی کو گھر لے آئی تھیں۔ ان کے پاس 2 گھوڑے بھی ہیں۔
سوئٹی کی دم سنہ 2012 میں اتنی لمبی ہوگئی تھی کہ وہ زمین پر لگنی شروع ہوگئی تھی اور تب سے دم کی طوالت میں اضافہ ہوتا گیا۔