پاک بحریہ کی جانب سے افسروں، اہلکاروں اور سویلینز کو عسکری ایوارڈز تفویض کردیے گئے۔
آئی ایس پی آر کے مطابق چیف آف دی نیول اسٹاف ایڈمرل نوید اشرف تقریب کے مہمان خصوصی تھے۔
مزید پڑھیں
آئی ایس پی آر نے بتایا کہ تقریب میں 4 افسران کو ستارہ امتیاز (ملٹری) اور 4 افسران کو تمغہ امتیاز (ملٹری) سے نوازا گیا۔
تقریب میں 104 چیف پیٹی آفیسرز اور سیلرز کو تمغہ خدمت (ملٹری) کلاس ایک، دو اور تین تفویض کیے گئے۔
اس کے علاوہ 44 آفیسرز، چیف پیٹی آفیسرز/ سیلرز اور سویلینز کو چیف آف دی نیول اسٹاف کی جانب سے ستاٸشی خطوط سے بھی نوازا گیا۔
تقریب میں پاک بحریہ کے حاضر سروس اور ریٹائرڈ افسران کی بڑی تعداد نے شرکت کی۔
