پاکستان فٹ بال ٹیم کی فیفا ورلڈ کپ کوالیفائر راؤنڈ 2 کے آخری میچ میں شرکت خطرے میں پڑگئی۔
پاکستان اور تاجکستان کے درمیان میچ 11 جون کو دوشنبہ میں شیڈول ہے مگر قومی ٹیم کو تاجکستان روانگی میں مشکلات کا سامنا ہے۔
مزید پڑھیں
قومی ٹیم نے فیصل آباد سے براستہ دبئی دوشنبہ جانا تھا تاہم نجی ایئرلائن کی پرواز دو بار تاخیر کے بعد منسوخ ہوگئی ہے۔
اب پاکستان فٹ بال فیڈریشن نے قومی ایئرلائن سے چارٹرڈ پرواز کے لیے رابطہ کیا ہے۔
چارٹرڈ پرواز کا حتمی فیصلہ قومی ایئرلائن کی اجازت سے مشروط ہے، جبکہ فٹبال فیڈریشن نے دوسری ایئرلائن سے بھی رابطہ کیا ہے۔
