فیفا ورلڈ کپ کوالیفائر راؤنڈ ٹو کے میچ میں شرکت کے لیے قومی فٹ بال ٹیم کی تاجکستان روانگی کا مسئلہ تاحال حل نہ ہوسکا۔
پاکستان اور تاجکستان کے درمیان میچ 11 جون کو دوشنبہ میں شیڈول ہے مگر قومی ٹیم کو تاجکستان روانگی میں مشکلات کا سامنا ہے۔
مزید پڑھیں
قومی فٹ بال ٹیم کی روانگی کا شیڈول نجی ایئرلائن کی پرواز منسوخ ہونے پر متاثر ہوا تھا۔
قومی ٹیم نے فیصل آباد سے براستہ دبئی دوشنبہ جانا تھا تاہم نجی ایئرلائن کی پرواز دو بار تاخیر کے بعد گزشتہ روز منسوخ ہوگئی۔
پاکستان فٹ بال فیڈریشن نے قومی ایئرلائن سے چارٹرڈ پرواز کے لیے رابطہ کیا تھا مگر وہاں سے کوئی جواب نہ ملنے پر اب وزیراعظم آفس سے رابطہ کرلیا گیا ہے۔
