یورپی ملک بلغاریہ کو فوری طور پر 30 لاکھ غیر ملکی کارکنوں کی ضرورت ہے۔ انسانی وسائل کے ماہر جارجی پروانوف کے مطابق، بلغاریہ کی لیبر مارکیٹ کو فی الحال 25 لاکھ سے 30لاکھ کے درمیان کارکنوں کی کمی کا سامنا ہے۔
یہ بھی پڑھیں:پاکستانی پرتگال کیوں جانا چاہتے ہیں؟
شینگن ڈاٹ نیوز کی رپورٹ کے مطابق اس کمی میں سے 70 ہزار ملازمتیں وہ ہیں جو سیزنل ورکرز کی قلت کے سبب پیدا ہوئی ہیں ہے۔
کثیر القومیتی ورکرز
کنفیڈریشن آف ایمپلائمنٹ کی ایگزیکٹو کمیٹی کے رکن پروانوف نے تجویز پیش کی ہے کہ بلغاریہ کو غیر ممالک سے کارکنوں کی خدمات حاصل کرنے کے لیے کوٹہ قائم کرنا چاہیے۔ انہوں نے مختلف ممالک سے متوازن غیر ملکی افرادی قوت حاصل کرنے پر زور دیا اور کسی ایک ملک کے جائے کثیرالقومیتوں کے کارکنوں کے حصول کام مشورہ دیا ہے۔
بلغاریہ اس سال 40 ہزار افراد کو ملازمت دے گا۔
مختلف شعبوں میں مینوفیکچرنگ کمپنیوں کے لیے 3 سالہ ویزا پروگرام کے ساتھ یہ توقع ہے کہ کمپنی کے مطالبات کو پورا کرنے کے لیے اس سال 35 ہزار سے 40 ہزار کارکنوں کو ملازمت دی جائے گی۔
کنفیڈریشن آف ایمپلائمنٹ کے جارجی پروانوف کے مطابق بیرون ملک ہمارے سفارت خانے غیر ملکی کارکنوں کی اس آمد کے لیے تیار نہیں ہیں۔ ہم شاید اس سال تقریباً 35 ہزار سے 40 ہزار افراد کو درآمد کریں گے۔
یہ بھی پڑھیں:سویڈن کا 1 لاکھ ملازمتیں دینے کا اعلان، کون کون اپلائی کر سکتا ہے؟
پروانوف کا کہنا ہے کہ کرغزستان، ازبکستان اور قازقستان کے کارکنان بلغاریائی معاشرے میں اچھی طرح ضم ہو گئے ہیں۔ انہوں نے بھارت، نیپال، سری لنکا اور پاکستان میں کارکنوں کی بڑھتی ہوئی دلچسپی کا بھی ذکر کیا۔
بلغاریہ میں ملازمت کی غرض سے آںے والے پیشہ وروں کی ماہانہ آمدن 5 سو یورو سے 7 سو یورو تک ہوگی، جب کہ یہی ہنر مند اپنے اپنے ملکوں میں تقریباً 2 سو سے 3سو یورو تک کما پاتے ہیں۔
پروانوف کے مطابق قانون کے مطابق غیر ملکی کارکنوں کو بلغاریائی کارکنوں کی طرح مساوی اجرت اور مراعات ملنی چاہییں۔
بلغاریہ میں قلت کا سامنا کرنے والے 11 پیشے
یورپی لیبر اتھارٹی کی ایک حالیہ رپورٹ کے مطابق بلغاریہ کو درج ذیل 11 پیشوں میں ملازمین کی قلت کا سامنا ہے:
بھاری ٹرک اور بس ڈرائیور
سلائی مشین آپریٹرز
ویلڈر اور فلیم کٹر
باغبان، باغبانی، اور نرسری کے کاشتکار
ویٹرس
باورچی
اکاؤنٹنٹس
ثانوی تعلیم کے اساتذہ
نرسنگ
ماہر طبی پریکٹیشنرز
الیکٹریکل انجینیئرز
یہ بھی پڑھیں:ہنرمند پاکستانی اسکاٹ لینڈ میں نوکری کیسے حاصل کرسکتے ہیں؟
ان شعبہ جات کے علاوہ بھی بلغاریہ میں بعض شعبوں میں مثلاً دکان کے سیلز اسسٹنٹ، سوشل ورک ایسوسی ایٹ پروفیشنل، انتظامی اور ایگزیکٹو سیکرٹریز، اور ماہر نفسیات وغیرہ میں ملازمین مطلوب ہیں۔
