سینیئر وکیل اعتزاز احسن نے کہا کہ نواز شریف کو لانے والے جنرل ضیا الحق تھے، لیکن نواز شریف کو اپنے محسن کی قبر پر جاتے ہوئے آپ نے کبھی نہیں دیکھا ہوگا، وہ ان کی قبر پر پھول کیا تھوکنے بھی نہیں جاتے۔
اعتزاز احسن نے وی نیوز سے بات کرتے ہوئے کہا کہ نواز شریف کو جو بھی لے کر آیا، اس نے انہیں کے خلاف سازش کی۔ وحید کاکڑ اور اسحاق خان کے ساتھ بھی یہی کیا، وہ نواز شریف کو لے کر آئے، ان صاحب نے دونوں کے خلاف سازش کی۔
مزید پڑھیں: ثابت ہوگیا کہ قیدی نمبر 804 سوٹا نہیں لگاتا، اعتزاز احسن
اعتزاز احسن نے گفتگو کرتے ہوئے کہا کہ اس کے بعد نواز شریف کو پرویز مشرف لے کر آئے، بعد میں نواز شریف نے ان کا جہاز گرانے کا ہی منصوبہ بنا لیا۔
نواز شریف کو جنرل ضیا لے کر آئے لیکن نواز شریف ان کے قبر پر ایک پھول بھی نہیں لے کر گئے، کبھی تھوکنے بھی نہیں گئے۔اعتزاز احسن @FPasha807 #NawazSharif #Ziaulhaq #WENews pic.twitter.com/M9dYc5iZIx
— WE News (@WENewsPk) July 11, 2024
انہوں نے موجودہ سیاسی صورتحال پر بات کرتے ہوئے کہا کہ نواز شریف جنرل باجوہ کو لے کر آئے، لیکن بعد میں ان کے ساتھ بھی وہی کیا، جس کی وجہ سے نواز شریف کو نکال دیا۔
انہوں نے مزید بتایا کہ ان کی برداشت کا اندازہ کیجیے کہ دوبارہ نواز شریف نے جنرل باجوہ کے ساتھ مل کر عمران خان کو نکال دیا اور پھر خود آگیا، یعنی باجوہ نے 2وزرا اعظموں کو نکالا۔
یہ بھی پڑھیں: ثابت ہوگیا کہ قیدی نمبر 804 سوٹا نہیں لگاتا، اعتزاز احسن
انہوں نے وی نیوز کے سوال کا جواب دیتے ہوئے کہا کہ جنرل باجوہ تو بڑے چالاک انسان تھے، یہ دیکھیے کہ کس طرح انہوں نے ایکسٹینشن لی۔ جس نے ان کو بنایا تھا اور جس کو انہوں نے ہٹایا تھا دونوں نے جنرل باجوہ کو ایکسٹینشن دی۔
