ڈسٹرکٹ اینڈ سیشن کورٹس اسلام آباد نے وزیر اعلیٰ خیبرپختونخوا علی امین گنڈاپور کے خلاف غیر قانونی اسلحہ و شراب برآمدگی کیس میں عدم پیشی کی بنا پر ناقابل ضمانت وارنٹ گرفتاری جاری کردیے۔
جوڈیشل مجسٹریٹ مبشر حسین زیدی نے تھانہ بارہ کہو میں درج مقدمہ کی سماعت کی، سماعت کے دوران متعدد مرتبہ عدالت طلبی کے باوجود علی امین گنڈاپور عدالت میں پیش نہ ہوئے۔
مزید پڑھیں: انسداد دہشتگردی عدالت نے وزیراعلیٰ خیبرپختونخوا علی امین گنڈا پورکے ناقابل ضمانت وارنٹ گرفتاری جاری کر دیے
جوڈیشل مجسٹریٹ نے مسلسل غیر حاضری پر وارنٹ گرفتاری جاری کیے۔
عدالت نے حکم دیا کہ علی امین گنڈاپور کو گرفتار کرکے آئندہ سماعت پر عدالت پیش کیا جائے۔ جس کے بعد عدالت نے کیس کی سماعت 12اکتوبر تک کے لیے ملتوی کردی۔
دوسری جانب وزیر اعلیٰ خیبرپختوںخوا پی ٹی آئی کے احتجاجی قافلے کے ہمراہ اسلام آباد پہنچ چکے ہیں۔ علی امین گنڈاپور نے کے پی ہاؤس میں ڈیرے ڈال دیے ہیں۔
