انتظار پنجوتھا کو کس نے اغوا کیا تھا؟ سلمان اکرم راجہ نے بتادیا

پاکستان تحریک انصاف (پی ٹی آئی) کے سیکریٹری جنرل سلمان اکرم راجہ نے کہا ہے کہ عمران خان کے وکیل انتظار پنجوتھا کو انہوں نے ہی اغوا کیا تھا جو کرتے ہیں۔

اپنے ایک بیان میں انہوں نے کہاکہ انتظار پنجوتھا کی حالت فلم بند کرکے خوف پھیلانے کی کوشش کی گئی، انہیں جس حالت میں جس ڈرامے کے ساتھ بازیاب کیا وہ شرمناک ہے۔

یہ بھی پڑھیں ’2 کروڑ روپے تاوان کے لیے اغوا کیا گیا‘، عمران خان کے وکیل انتظار پنجوتھا بازیاب

انہوں نے کہاکہ انتظار پنجوتھا کی بازیابی کی ویڈیو خوف پھیلانے کے لیے جاری کی گئی۔

واضح رہے کہ عمران خان کے وکیل انتظار پنجوتھا کو چار ہفتے قبل اغوا کیا تھا، جو گزشتہ رات اٹک سے بازیاب ہوگئے۔

انتظار پنجوتھا کہ بازیابی کے لیے اسلام آباد ہائیکورٹ نے احکامات جاری کیے تھے، جس پر گزشتہ روز سرکاری وکیل نے 24 گھنٹے تک کا وقت لیا تھا۔

یہ بھی پڑھیں انتظار پنجوتھا کے اغوا کاروں کے خلاف حسن ابدال میں مقدمہ درج

بازیابی کے بعد ابتدائی بیان میں انتظار پنجوتھا نے بتایا کہ مجھے 8 اکتوبر کو اسلام آباد سے 2 کروڑ روپے تاوان کی غرض سے اغوا کیا گیا تھا، مجھ پر بہت تشدد کیا گیا ہے۔