ٹائم میگزین کی جانب سے دنیا کی 100 بااثر ترین شخصیات کی فہرست 13 اپریل کو جاری کی گئی جس میں بھارت کے سپراسٹار شاہ رخ خان کا نام بھی شامل ہے۔
اس حوالے سے شاہ رخ خان کی ساتھی اداکارہ دیپیکا پڈوکون نے انہیں سراہتے ہوئے میگزین میں خوبصورت تبصرہ کیا اور اپنے جذبات ٹوئٹر پر بھی شیئر کیے۔
انہوں نے لکھا کہ ‘جو شاہ رخ کو قریب سے جانتا ہے اور ان کا خیر خواہ ہے، وہ اچھی طرح جانتا ہے کہ شاہ رخ کی شخصیت کو صرف 150 الفاظ میں بیان نہیں کیا جا سکتا۔ انہوں نے کہا کہ شاہ رخ خان کو ہمیشہ بہترین اداکاروں میں شمار کیا جائے گا۔
دیپیکا کا کہنا تھا کہ وہ شاہ رخ خان سے پہلی ملاقات کبھی نہیں بھولیں گی۔ ’میں ابھی ایک سوٹ کیس اور ایک خواب لے کر بنگلور سے ممبئی پہنچی تھی۔ اگلی بات جو میں جانتی ہوں وہ یہ ہے کہ میں اس کے گھر بیٹھی تھی اور مجھے ان کے مدمقابل ایک فلم میں کردار کے لیے سوچا جا رہا تھا۔‘
Deepika Padukone pens a note for Shah Rukh Khan who is one of TIME's '100 Most Influential People of 2023👇 pic.twitter.com/57mz0HoTQR
— Deepika Padukone FC (@DeepikaPFC) April 13, 2023
اداکارہ نے لکھا کہ اس بات کو 16 سال ہو گئے ہیں لیکن جو چیز ہمارے رشتے کو خاص بناتی ہے وہ محبت، اعتماد اور ایک دوسرے کے لیے احترام ہے۔
دیپیکا نے کہا کہ شاہ رخ خان ہمیشہ عظیم اداکار کے طور پر جانے جائیں گے لیکن جو چیز انہیں واقعی الگ کرتی ہے، وہ ہے ان کا دماغ، بہادری، سخاوت اور یہ فہرست چلتی چلی جاتی ہے۔
