معروف بھارتی آف اسپنر روی چندرن ایشون نے انٹرنیشنل کرکٹ سے ریٹائرمنٹ کا اعلان کردیا ہے۔
38 سالہ آف اسپنر روی چندرن ایشون نے برسبین میں آسٹریلیا کے خلاف تیسرے ٹیسٹ میچ کے اختتام پر کپتان روہت شرما کے ساتھ پریس کانفرس میں اپنی ریٹائرمنٹ کا اعلان کیا۔
یہ بھی پڑھیں: رانچی ٹیسٹ: روی ایشون نے بھارتی کرکٹ کی تاریخ کا سب سے بڑا ریکارڈ اپنے نام کرلیا
انہوں نے بھارتی کرکٹ بورڈ، ویرات کوہلی، روہت شرما، اجنکیا رہانے اور چتیشور پجارا کا شکریہ ادا کیا اور کہا، ’میرا تمام فارمیٹس میں بطور کرکٹر آج آخری دن تھا، اپنے کیرئیر کے دوران بہت انجوائے کیا، کئی یادگار لمحے ہیں اور ریٹائرمنٹ کا یہ لمحہ کافی جذباتی ہے۔‘
View this post on Instagram
بھارتی کرکٹ بورڈ نے سوشل میڈیا پر جاری اپنی ایک پوسٹ میں روی چندرن ایشون کی ریٹائرمنٹ کی تصدیق کرتے ہوئے انہیں خراج تحسین پیش کیا ہے اور ان کے شاندار کیریئر کے اختتام پر مبارکباد پیش کی ہے۔
یہ بھی پڑھیں: مایہ ناز آل راؤنڈر عماد وسیم نے انٹرنیشنل کرکٹ سے ریٹائرمنٹ کا اعلان کردیا
واضح رہے کہ سابق انڈین کرکٹر انیل کمبلے نے اپنے ٹیسٹ کیریئر میں 619 وکٹیں حاصل کی ہیں۔ ان کے بعد روی چندرن ایشون ٹیسٹ کیریئر میں 537 وکٹوں کے ساتھ انڈیا کے سب سے زیادہ وکٹیں لینے والے دوسرے بڑے بولر ہیں۔
