پاکستان کے وزیر دفاع خواجہ محمد آصف نے کہا ہے کہ اگر ہندوستان نے فیس سیونگ کے لیے کسی آپریشن کی کوشش کی تو ہم اسے فیس سیونگ نہیں کرنے دیں گے۔ ہم اس کے منہ پر کالک ملیں گے۔
پاکستان کے وزیر دفاع خواجہ محمد آصف نے کہا ہے کہ امریکی نائب صدر نے گنجائش نکالی کہ بھارت فیس سیونگ کے لیے کچھ کرنا چاہتا ہے تو کرلے۔ اگر ہندوستان نے فیس سیونگ کے لیے کسی آپریشن کی کوشش کی تو ہم اسے فیس سیونگ نہیں کرنے دیں گے۔ ہم اس کے منہ پر کالک ملیں گے۔
یہ بھی پڑھیے سندھ طاس معاہدے کی معطلی بین الاقوامی قوانین کی خلاف ورزی ہے، خواجہ آصف
خواجہ محمد آصف نے کہا کہ بھارتی رافیل طیارے مسلسل پاکستانی سرحد کے قریب اڑان بھر رہے ہیں۔ بھارت مسلسل اشتعال دلا رہا ہے۔ لیکن ہم پہل نہیں کریں گے۔ بھارت کو پتہ ہے کہ کچھ کیا تو بھرپور اور منہ توڑ جواب ملے گا۔
انہوں نے کہا کہ دنیا میں کوئی ایک ملک بھی بھارت کی کہانی کے پیچھے نہیں کھڑا۔ بھارت پھنس چکا ہے۔ اس کا خیال تھا کہ دنیا اس پر یقین کرلے گی لیکن دنیا نے نریندر مودی پر یقین نہیں کیا۔ مودی نے جو بیانیہ بنانے کی کوشش کی، یہ اس کی بہت بڑی شکست ہے۔ پہلگام واقعے سے متعلق بھارت کا الزام صرف جھوٹ پر مبنی ہے۔ بھارت ابھی تک کوئی ثبوت پیش نہیں کرسکا۔ ثبوت کا کوئی شائبہ بھی نہیں ہے۔
یہ بھی پڑھیے پاکستان کی مسلح افواج اور عوام دفاع وطن کے لیے متحد، آرمی چیف کا کور کمانڈر کانفرنس سے خطاب
پاکستان کے وزیر دفاع نے کہا کہ سندھ طاس معاہدے کی خلاف ورزی کوئی آسان کام نہیں، اس سے متعلق عالمی فورمز سے رجوع کریں گے۔
