پاک بھارت کشیدگی کے دوران جہاں بھارت معصوم پاکستانی شہریوں کو نشانہ بنارہا ہے، وہی بھارتی میڈیا کی جانب سے منفی پروپیگنڈے کا بازار بھی گرم ہے۔
بھارتی میڈیا کی جانب سے منفی پروپیگنڈے کے تحت یہ دعویٰ کیا جارہا ہے کہ بلوچستان کے دارالحکومت کوئٹہ میں کلعدم بلوچ علیحدگی پسند تنظیم (بی ایل اے ) نے مکمل طور پر قبضہ کرلیا ہے۔
بھارتی میڈیا کی جانب سے فیک نیوز کا بازار گرم کیا جا رہا ہے ، کالعدم تنظیم بی ایل اے کی جانب سے کوئٹہ پر قبضہ کرنے کی خبریں بلکل جھوٹ اور من گھڑت ہیں،جس کو بھارتی میڈیا ایک خاص پراپیگنڈے کے تحت پھیلا رہا ہے جبکہ کوئٹہ میں ٹریفک رواں دواں ہے اور تعلیمی ادارے معمول کے مطابق کھلے… pic.twitter.com/I32SLmZhPN
— WE News (@WENewsPk) May 9, 2025
بھارتی میڈیا کی جانب سے یہ بھی دعویٰ کیا گیا کہ بھارت نے کراچی بندرگاہ کو نشانہ بنایا ہے اور اس کو نقصان پہنچایا ہے، کراچی ایئرپورٹ کے حوالے سے بھی بھارتی میڈیا نے جھوٹی خبر پھیلائی کہ بھارت نے کراچی ایئرپورٹ کو نشانہ بنایا ہے۔
یہ بھی پڑھیں: بھارتی میڈیا اور ’را‘ سے منسلک اکاؤنٹس سے پاکستان مخالف گمراہ کن پروپیگنڈا جاری
حقیقت میں ایسی کوئی بات نہیں ہے اور کوئٹہ میں بی ایل اے یا کسی اور کالعدم تنظیم نے حملہ کیا نہ قبضہ، کوئٹہ کی سڑکوں پر ٹریفک رواں دواں ہے اور صوبے میں تعلیمی ادارے بھی معمول کے مطابق کھلے رہے۔
یہ بھی پڑھیں: ’ان جعلی نیوز چینلز کو نہ دیکھیں‘، انڈین یوٹیوبر دھرو راٹھی نے بھارتی میڈیا کا پردہ چاک کردیا
دوسری طرف کراچی بندرگاہ پر بھارتی حملے کی خبریں بھی من گھڑت اور جھوٹ پر مبنی ہیں، کراچی بندرگاہ پر معمول کے مطابق تجارتی سرگرمیاں جاری ہیں، کراچی ایئرپورٹ پر حملے کے حوالے بھی بھارتی میڈیا جھوٹے دعوے کررہا ہے، کراچی ایئرپورٹ اس وقت پوری طرح فنکشنل ہے۔
بھارتی میڈیا کا جھوٹا پروپیگنڈا بے نقاب،لاہور پر قبضہ کرنے کی خبریں جھوٹی اور بے بنیاد، شہر میں صورتحال بلکل نارمل اور شہری پُر سکون ہیں، عوام معمول کے مطابق زندگی گزار رہی ہے جبکہ لاہور کے شہری پاک فوج کے ہمراہ دشمن کیساتھ لڑنے کیلئے پُر جوش ہیں، مزید جانیے وی نیوز کے رپورٹر… pic.twitter.com/h88NZb6YaI
— WE News (@WENewsPk) May 9, 2025
بھارتی میڈیا کی جانب سے یہ بھی بے بنیاد دعویٰ کیا گیا کہ بھارت نے پشاور پر حملہ کیا ہے، حقیقت میں پشاور یا خیبرپختونخوا کے کسی بھی علاقے میں بھارت کی جانب سے کوئی حملہ نہیں کیا گیا، پشاور میں حالات معمول کے مطابق ہیں اور معمول کی سرگرمیاں جاری ہیں، تعلیمی ادارے معمول کے مطابق کھلے ہیں۔
بھارتی میڈیا کی کراچی بندرگاہ پرحملے کی خبر یں جھوٹ اور من گھڑت پروپیگنڈا پر مبنی ہیں ،کراچی میں شہری پُرسکون اور معمول کے مطابق زندگی بسر کر رہے ہیں ، کراچی بندرگاہ پر تجارت کی آمدورفت جاری ہے،بھارتی میڈیا گمراہ کن خبریں پھیلا رہا ہے جسکا ثبوت وی نیوز کے رپورٹر وقاص خان اپنی اس… pic.twitter.com/uZS6kCAjY5
— WE News (@WENewsPk) May 9, 2025
اسی طرح لاہور کے حوالے سے بھی بھارتی میڈیا دعویٰ کررہا ہے کہ لاہور میں جنگ چھڑ چکی ہے اور بھارت نے لاہور پر قبضہ کرلیا ہے، حقیقت یہ ہے کہ بھارت کی جانب سے لاہور پر 3 ڈرون حملے کیے گئے، جنہیں پاک فوج نے ناکام بنادیا اور بھارتی ڈرونز کو تباہ کردیا، البتہ سیکیورٹی خدشے کے پیش نظر پی ایس ایل کے میچز لاہور سے کراچی منتقل ضرور کیے گئے ہیں۔
یہ بھی پڑھیں: عینی شاہد نے پہلگام واقعے سے متعلق بھارتی میڈیا کا پروپیگنڈا بے نقاب کردیا
لاہور پر قبضے کے حوالے سے بھارتی میڈیا کی خبریں من گھڑت ہیں، لاہور میں زندگی معمول کے مطابق رواں دواں ہے، لاہوریوں کا عزم ہے کہ کوئی ایسی صورتحال بنتی ہے تو وہ پاک فوج کے ساتھ ملکر بھارت کے خلاف لڑیں گے۔
بھارتی میڈیا کو ایک بار پھر منہ کی کھانی پڑ گئی ،پشاور پر حملہ کرنے کی بھارتی میڈیا کی خبریں بلکل بے بنیاد اور جھوٹی ثابت، پشاور کے شہری بلکل نارمل زندگی بسر کر رہے ہیں ، مین بازار میں کاروبار معمول کے مطابق جاری ، مزید جایئےوی نیوز کے رپورٹر سراج الدین کی اس رپورٹ میں pic.twitter.com/W02VecPW2q
— WE News (@WENewsPk) May 9, 2025
بھارتی میڈیا نے یہ بھی دعویٰ کیا کہ لاہور کے ساتھ ساتھ بھارت نے پاکستان کے شہروں اسلام آباد، کراچی، فیصل آباد، سیالکوٹ اور دیگر شہروں پر قبضہ کرلیا ہے، بھارتی میڈیا نے یہ بھی دعویٰ کیا کہ بھارتی افواج بارڈر کراس کرکے پاکستان میں گھس گئی ہیں اور پاکستان کے تمام انتظامات کنٹرول میں لے لیے ہیں۔
بھارتی میڈیا کی جانب سے پاکستان کے بڑے شہروں لاہور، کراچی، فیصل آباد، اسلام آباداور سیالکوٹ پر قبضےکا دعوی جھوٹا اور بے بنیاد نکلا۔ اسلام آباد کی صورتحال بہتر، گاڑیاں معمول کے مطابق رواں دواں، مزید تفصیلات زنیرہ رفیع کی اس رپورٹ میں۔ pic.twitter.com/SiJqFHiYGy
— WE News (@WENewsPk) May 9, 2025
حقیقت یہ ہے کہ بھارتی میڈیا کے دعوے 100 فیصد جھوٹ اور من گھڑت ہیں اور بھارتی حکومت کے ساتھ ساتھ اس کی گودی میڈیا بھی پاکستان کے خلاف پروپیگنڈے میں مصروف عمل ہے۔
