آزاد کشمیر کے سرحدی علاقے میں رہائشی عوام نے ایک تیندوا پکڑ لیا، جس کی ویڈیو سوشل میڈیا پر تیزی سے وائرل ہو رہی ہے۔
ویڈیو میں دیکھا جا سکتا ہے کہ مقامی افراد نے چیتے کے گلے میں رسی ڈال کر اُسے دم سے پکڑا ہوا ہے اور سڑک پر گھسیٹ رہے ہیں۔ ایک شخص مذاقاً کہتا ہے ’اس سے پوچھو کتنی بکریاں کھا گیا ہے؟ حساب دے بکریوں کا‘۔
یہ بھی پڑھیں: گلگت بلتستان: برفانی چیتے اور انسان کی لازوال دوستی کی سچی داستان
ویڈیو وائرل ہونے کے بعد سوشل میڈیا صارفین نے مقامی افراد کے اس رویے پر شدید تنقید کی ہے۔ ایک صارف نے ویڈیو شیئر کرتے ہوئے لکھا کہ یہ کوئی درست طریقہ نہیں کہ اگر کسی بے زبان جانور نے بکری کھا لی ہے تو اسے بازار میں گھمانا یا زنجیر سے باندھ دینا شروع کر دیں۔
انہوں نے مزید کہا کہ یہ اللہ کی مخلوق کے ساتھ ظلم ہے، اور ظلم چاہے انسان پر ہو یا جانور پر، ناپسندیدہ ہے۔ ہمیں چاہیے کہ انصاف اور رحم سے کام لیں۔
“میرے عزیز کشمیری بھائیو! یہ کوئی درست طریقہ نہیں کہ اگر کسی بے زبان جانور نے بکری کھا لی ہے تو اسے بازار میں گھمانا یا زنجیر سے باندھ دینا شروع کر دیں۔ یہ اللہ کی مخلوق کے ساتھ ظلم ہے، اور ظلم چاہے انسان پر ہو یا جانور پر، ناپسندیدہ ہے۔ ہمیں چاہیے کہ انصاف اور رحم سے کام لے۔😢🙏 pic.twitter.com/yeRaw6J3By
— Azad Jammu Khashmir Tourism (@JKTourismPAK) August 15, 2025
سبین ملک لکھتی ہیں کے بے زبان جانور کے ساتھ یہ سلوک کوئی مومن نہی کر سکتا۔
بے زبان جانور کے ساتھ یہ سلوک کوئ مومن نہیں کرسکتا
— Sabeen Malik سبین ملک (@MalikAw87471444) August 15, 2025
ایک صارف نے کہا کہ شہریوں کو وائلڈ لائف محکمے کو کال کر کے تیندوے کو ان کے حوالے کر دینا چاہیے تھا۔
ان کو وائلڈ لائف محکمے کو کال کر کے اس کو ان کے حوالے کر دینا چاہیے تھا۔۔۔۔
— zilla aqsa (@ZillaAqsa) August 15, 2025
نوید ستی نے کہا کہ افسوس ہے کہ عوام اسے کیوں تنگ کر رہی ہے؟ اگر وہ حملہ کر دے تو کیا ہوگا؟ ایسی صورتِ حال میں محکمہ جنگلات کو فوراً پہنچنا چاہیے۔
کے پی کے، ضلع ایبٹ اباد، آزاد کشمیر باڈر کے قریب اچانک ایک چیتا آبادی کی طرف عوام کے ہاتھوں پکڑا گیا !
لیکن افوس کہ عوام کیسے اس کو تنگ کررہی؟ اگر وہ حملہ کر دے تو پھر ؟
محکمہ جنگلات تو فوری پہنچنا چاہئے ایسی صورت حال میں ۔۔@World_Wildlife @FIA_Agency @EnvAgency @rinasaeed… pic.twitter.com/qpKDElYTC7— Naveed Satti (@Naveedsatti555) August 13, 2025
