چیئرمین نیشنل انڈسٹریل ریلیشنز کمیشن (این آئی آر سی) جسٹس (ر) شوکت عزیز صدیقی نے اپنے عہدے سے استعفیٰ دے دیا۔
میڈیا رپورٹس کے مطابق شوکت عزیز صدیقی نے ذاتی وجوہات کو بنیاد بناتے ہوئے استعفا پیش کیا، جس سے متعلق صدرِ مملکت کو وزارتِ اوورسیز پاکستانیز کے سیکریٹری کے توسط سے باقاعدہ نوٹس ارسال کر دیا گیا ہے۔
چیئرمین این آئی آر سی جسٹس ریٹائرڈ شوکت عزیز صدیقی ذاتی وجوہات کی بنا پر اپنے عہدے سے مستعفی pic.twitter.com/SSFHpxXcAA
— Awais Yousaf Zai (@awaisReporter) December 15, 2025
نوٹس میں بتایا گیا ہے کہ دستخط کنندہ کو 2 دسمبر 2024 کو چیئرمین این آئی آر سی مقرر کرنے کا اعلامیہ جاری ہوا تھا جبکہ انہوں نے 4 دسمبر 2024 کو اپنے عہدے کا چارج سنبھالا۔
’تاہم ذاتی حالات کے باعث اب ان کے لیے ذمہ داریاں نبھانا ممکن نہیں رہا۔‘
شوکت عزیز صدیقی کے مطابق معاہدے کے خاتمے کے لیے شق XII کے تحت ایک ماہ قبل نوٹس دیا جا رہا ہے۔
