انڈر 19 ایشیا کپ کے دوسرے سیمی فائنل میں پاکستان نے بنگلہ دیش کو شکست دے کر فائنل میں جگہ بنا لی ہے، جس کے بعد اب معرکہ روایتی حریف پاکستان اور بھارت کے درمیان اتوار کو دبئی میں کھیلا جائےگا۔
مزید پڑھیں: انڈر 19 ایشیا کپ: پاکستان نے بنگلہ دیش کو شکست دے کر فائنل کے لیے کوالیفائی کرلیا
اس سے قبل پہلے سیمی فائنل میں بھارت نے سری لنکا کو شکست دے کر فائنل میں جگہ بنائی تھی۔
انڈر 19 ایشیا کپ کا دوسرا سیمی فائنل پاکستان بنگلہ دیش کے درمیان کھیلا گیا، جہاں قومی ٹیم نے ٹاس جیت کر پہلے فیلڈنگ کا فیصلہ کیا، تاہم بارش کے باعث میچ کو 27 اوورز فی اننگز تک محدود کردیا گیا تھا۔
دبئی میں کھیلے گئے دوسرے سیمی فائنل میں پاکستان نے 122 رنز کا ہدف صرف 2 وکٹوں کے نقصان پر حاصل کیا، جس میں سمیر منہاس نے شاندار 69 رنز بنا کر ناقابل شکست اننگز کھیلی۔
پاکستانی بولرز کی متوازن بولنگ کے سامنے بنگلہ دیش کی ٹیم 26.3 اوورز میں 121 رنز بنا کر آؤٹ ہوگئی۔
مزید پڑھیں: انڈر 19 ایشیا کپ: بھارتی ہٹ دھرمی برقرار، پاک بھارت کپتانوں میں روایتی مصافحہ نہ ہوا
پاکستان کی جانب سے عبدالسبحان نے 4 کھلاڑیوں کو آؤٹ کیا جبکہ حذیفہ احسن نے 2 وکٹیں حاصل کیں۔ علی رضا، محمد صیام اور احمد حسین نے ایک ایک کھلاڑی کو پویلین بھیجا۔
