پاکستان انڈر 19 کرکٹ ٹیم کے کپتان فرحان یوسف نے کہا ہے کہ ایشیا کپ میں پاکستان کی فتح پوری ٹیم کی مشترکہ محنت کا نتیجہ ہے۔
بھارت سے فائنل میچ جیتنے کے بعد گفتگو کرتے ہوئے فرحان یوسف نے کہا کہ ٹاس ہارنے پر ٹیم خوش تھی کیونکہ حکمت عملی پہلے بیٹنگ کرنے کی تھی۔ ان کا کہنا تھا کہ فائنل اسکور پر کوئی مایوسی نہیں تھی اور ٹیم کی مجموعی کارکردگی پر مکمل اطمینان ہے۔
یہ بھی پڑھیں: انڈر 19 ایشیا کپ فائنل: پاکستان نے بھارت کو شکست دے کر ٹائٹل اپنے نام کرلیا
فرحان یوسف نے کہا کہ اگرچہ بھارت کے خلاف پہلا میچ ہار گئے تھے، تاہم اس کے بعد ٹیم مینجمنٹ نے کھل کر بات کی اور کھلاڑیوں کا حوصلہ بڑھایا، جس کا نتیجہ یہ نکلا کہ فائنل میں شاندار کامیابی حاصل کی گئی۔ انہوں نے کہا کہ یہ فتح پوری ٹیم کی مشترکہ محنت کا ثمر ہے۔
Celebration time! Pakistan U19 rejoices as ACC President Mohsin Naqvi hands the trophy to Farhan Yousaf 🏆#TOKSports #PAKvIND #U19AsiaCupFinal pic.twitter.com/Fc2DuIaHUj
— TOK Sports (@TOKSports021) December 21, 2025
دوسری جانب بھارتی کپتان آیوش مہاترے نے کہا ہے کہ ٹیم کی حکمت عملی ابتدا میں بولنگ کرنے کی تھی، تاہم بولنگ لائن میں کچھ عدم تسلسل رہا۔ ان کا کہنا تھا کہ منصوبہ سادہ تھا کہ 50 اوورز تک کھیل کو لے جایا جائے۔
یہ بھی پڑھیں انڈر 19 ایشیا کپ 2025 کے ہیرو، سمیر منہاس کون ہیں؟
میچ کے بعد گفتگو کرتے ہوئے آیوش مہاترے نے کہا کہ کھلاڑیوں نے مجموعی طور پر اچھی کارکردگی دکھائی اور یہ ٹورنامنٹ ٹیم کے لیے مثبت رہا۔ انہوں نے کہا کہ ٹورنامنٹ کے دوران کچھ کھلاڑیوں نے اہم مواقع پر ذمہ داری لی اور نمایاں انداز میں سامنے آئے۔
