صاحبزادہ حامد رضا کے ایکس اکاؤنٹ پر جاری بیان کے بعد سیاسی حلقوں میں نئی بحث چھڑ گئی۔ ٹوئٹ میں کہا گیا کہ صاحبزادہ حامد رضا کو جیل میں قید ہوئے 111 دن سے زائد ہو چکے ہیں اور سوال اٹھایا گیا کہ کیا ان کے کسی اتحادی رہنما نے ملاقات کے دن جیل جا کر ان سے ملاقات کی؟
یہ بھی پڑھیں: سنی اتحاد کونسل کے چیئرمین صاحبزادہ حامد رضا کو اسلام آباد پولیس نے گرفتار کرلیا
بیان میں اس امر پر تشویش ظاہر کی گئی کہ طویل قید کے باوجود اتحادی جماعتوں کی جانب سے عملی اظہارِ یکجہتی دکھائی نہیں دیا۔
صاحبزادہ حامد رضا کا جیل میں کل ملاقات کا دن ہے۔ صاحبزادہ حامد رضا کے اتحادیوں میں کوئی رہنما ان سے ملاقات کے لیے پہنچا۔ ؟ صاحبزادہ حامد رضا کو جیل میں 111 دن سے زیادہ ہوچکے ہیں۔ کیا کسی کا ملاقات کا فوٹو آپ کے پاس ہو تو ضرور شیئر کیجئے گا۔
— Sahibzada Hamid Raza (@_SahibzadaHamid) February 20, 2026
وفاقی وزیر مملکت عقیل ملک کا ردعمل
وزیر مملکت برائے قانون و انصاف عقیل ملک نے اس بیان پر ردعمل دیتے ہوئے کہا کہ پاکستان تحریک انصاف عملاً ایک ہی شخصیت کے گرد گھومتی دکھائی دیتی ہے۔
پی ٹی آئی عملاً ایک ہی شخصیت کے گرد محدود دکھائی دیتی ہے۔ ان کے وہ اتحادی، جنہوں نے اپنی پوری جماعت ان کے حوالے کر دی، کئی ماہ سے جیل میں ہیں مگر قیادت کی جانب سے ان کے حق میں کوئی مؤثر آواز بلند نہیں کی گئی۔ یہ طرزِ عمل واضح کرتا ہے کہ جماعت کی توجہ صرف ایک فرد تک محدود ہے۔ https://t.co/o5FeejMURt
— Barrister Aqeel Malik (@BrAqeelMalik) February 20, 2026
ان کا کہنا تھا کہ وہ اتحادی جنہوں نے اپنی جماعتوں اور سیاسی سرمایہ کاری کو ایک قیادت کے سپرد کیا کئی ماہ سے جیل میں ہیں مگر پارٹی کی جانب سے ان کے حق میں مؤثر آواز بلند نہیں کی گئی۔
مزید پڑھیے: سنی اتحاد کونسل کے سربراہ صاحبزادہ حامد رضا نے عمران خان کو ’معشوق‘ قرار دے دیا
ان کے مطابق یہ طرزِ عمل اس بات کا عکاس ہے کہ جماعت کی توجہ وسیع قیادت کے بجائے صرف ایک فرد تک محدود ہے۔
خیبر پختونخوا اسمبلی میں اپوزیشن کا مؤقف
خیبر پختونخوا اسمبلی میں اپوزیشن لیڈر ڈاکٹر عباد اللہ نے کہا کہ پی ٹی آئی کی سیاست اب نظریے کے بجائے ایک شخصیت کے گرد مرکوز ہو چکی ہے۔
انہوں نے مؤقف اختیار کیا کہ نہ اتحادیوں کی قدر کی جا رہی ہے، نہ رہنماؤں کا احترام کیا جا رہا ہے اور نہ ہی کارکنوں اور ان کے خاندانوں کی مشکلات پر توجہ دی جا رہی ہے۔
ان کا کہنا تھا کہ صاحبزادہ حامد رضا جیسے افراد نے سیاسی جدوجہد میں بڑی قربانیاں دیں مگر آج جماعت کی تمام تر توجہ ایک ہی شخصیت پر مرکوز ہے۔
مزید پڑھیں: پی ٹی آئی نئی مشکل میں پھنس گئی، سلمان اکرم راجا کے بعد صاحبزادہ حامد رضا بھی مستعفی
انہوں نے کہا کہ سیاست صرف کسی ایک فرد کا نام نہیں بلکہ یہ قربانی دینے والوں کے احترام اور عوامی اعتماد کی امانت ہوتی ہے۔
ن لیگ کی تنقید
رہنما پاکستان مسلم لیگ (ن) حنا پرویز بٹ نے کہا کہ یہ طرز عمل صرف جماعت کا نہیں بلکہ اس کی قیادت کے رویے کی عکاسی کرتا ہے۔
یہ پی ٹی آئی کا ہی نہیں، بنیادی طور پر ان کے لیڈر کا رویہ ہے. جو شخص عمر بھر ساتھ دینے والے اپنے دوست کے جنازے میں شریک نہیں ہوا وہ کسی کا سگا نہیں. یہی بے اعتنائی، لاپرواہی کا رویہ جناب کے کلٹ کا بھی ہے. وہ لوگ جو ایک شخص کے پیچھے اپنے ملک کا نقصان کرنے پر بھی آمادہ ہیں، کل کو… https://t.co/InopqxCgov
— Hina Parvez Butt (@hinaparvezbutt) February 20, 2026
انہوں نے تنقید کرتے ہوئے کہا کہ جو شخص اپنے دیرینہ ساتھی کے جنازے میں شریک نہ ہو وہ کسی کا وفادار نہیں ہو سکتا۔
ان کے مطابق یہی بے اعتنائی کا رویہ پارٹی کے کارکنوں میں بھی سرایت کر چکا ہے۔
حنا پرویز بٹ نے مزید کہا کہ جو لوگ ایک شخصیت کے پیچھے چلتے ہوئے ملکی مفادات کو بھی نظرانداز کرنے پر آمادہ ہو جائیں، انہیں مستقبل میں شدید احساسِ محرومی کا سامنا کرنا پڑ سکتا ہے۔
پیپلز پارٹی کا ردعمل
رکن قومی اسمبلی و رہنما پاکستان پیپلز پارٹی سحر کامران نے کہا کہ یہ صورتحال پی ٹی آئی کی مبینہ خود غرض اور شخصیت پرستی پر مبنی سیاست کی مثال ہے۔
This exemplifies PTI’s self-centered, one-person cult: zero respect for allies, other leaders, workers, or their families. @_SahibzadaHamid Sahib sacrificed everything for #PTI, yet the cult party obsesses only over IK‼️⁰So sad and unfortunate 😑 https://t.co/HY2pepurDo
— Senator Sehar Kamran T.I. (@SeharKamran) February 20, 2026
ان کے مطابق اس طرز سیاست میں اتحادیوں، دیگر رہنماؤں، کارکنوں اور ان کے خاندانوں کی کوئی عملی اہمیت باقی نہیں رہتی۔
یہ بھی پڑھیے: ’یہ سراسر پی ٹی آئی پر الزام ہے‘ فواد چوہدری کا صاحبزادہ حامد رضا کے بیان پر سخت ردعمل
انہوں نے کہا کہ صاحبزادہ حامد رضا نے جماعت کے لیے بڑی قربانیاں دیں مگر اس کے باوجود پارٹی کی توجہ صرف عمران خان تک محدود دکھائی دیتی ہے جو ایک افسوسناک امر ہے۔
