خیبرپختونخوا میں من پسند گاڑی نمبر پلیٹس کے لیے کروڑوں روپے کی بلند بولیاں لگانے والے خریدار ادائیگی نہ کر سکے جس کے بعد محکمہ ایکسائز نے ان کی جمع کرائی گئی سیکیورٹی ضبط کر لی۔
یہ بھی پڑھیں: 83 کروڑ کی نمبر پلیٹ فروخت، اس میں خاص بات کیا ہے آخر؟
محکمہ ایکسائز کے مطابق نیلامی کے دوران داوڑ-1 نمبر پلیٹ کے لیے 17 کروڑ 50 لاکھ روپے، وزیرستان-1 کے لیے 4 کروڑ 6 لاکھ روپے، باجوڑ-1 کے لیے 3 کروڑ 35 لاکھ روپے، محسود-1 کے لیے 2 کروڑ 20 لاکھ روپے جبکہ پشتون-1 کے لیے 1 کروڑ 32 لاکھ روپے کی بولیاں لگائی گئی تھیں۔
پختونخوا میں گاڑیوں کی اسپیشل نمبر پلیٹس کی نیلامی کے کامیاب بولی دہندگان بھاگ گئے 😀
مقررہ وقت پر عدم ادائیگی نہ کرنے پر داوڑ1، وزیرستان 1 اور باجوڑ ون کے بولی دہندگان کی سکیورٹی ضبط۔۔۔
یاد تو ہوگا کہ داوڑ 1 کی پہلی بولی 17 کروڑ 50 لاکھ روپے ،وزیرستان1 کی 4 کروڑ 6 لاکھ روپے… pic.twitter.com/O3kwEFRNFf
— Farzana Ali (@farzanaalispark) March 18, 2026
تاہم مقررہ وقت میں ادائیگی نہ ہونے پر محکمہ نے قواعد کے مطابق بولی دہندگان کی سیکیورٹی ضبط کر لی ہے۔
محکمہ ایکسائز کا کہنا ہے کہ اب ان نمبر پلیٹس کے لیے دوسرے اور تیسرے نمبر پر آنے والے بولی دہندگان کو موقع دیا جائے گا کہ وہ مقررہ رقم ادا کر کے یہ نمبر پلیٹس حاصل کریں۔
مزید پڑھیے: خیبرپختونخوا میں ایک کے بعد ایک اسکینڈل، محکمہ لائیو اسٹاک کی 80 گاڑیاں غائب ہونے کا انکشاف
حکام کے مطابق اگر متبادل بولی دہندگان بھی ادائیگی کرنے میں ناکام رہتے ہیں تو ان نمبر پلیٹس کی دوبارہ نیلامی کی جائے گی۔
