دہلی کے میئر راجا اقبال سنگھ کے دفتر کو بدھ کے روز ایک ای میل کے ذریعے بم دھماکے کی دھمکی موصول ہوئی۔ ابتدائی اطلاعات کے مطابق ای میل میں دعویٰ کیا گیا کہ دوپہر قریباً 2 بج کر 11 منٹ پر دفتر کو نشانہ بنایا جائے گا۔
مزید پڑھیں: دہلی کے مچھلی بازار میں خوفناک آگ، فائر بریگیڈ گاڑیاں موقع پر موجود
پولیس کے مطابق دھمکی آمیز ای میل ایک ایسے گروپ کے نام سے بھیجی گئی جس نے خود کو ’خالصتان نیشنل آرمی‘ قرار دیا۔ واقعے کے فوراً بعد سیکیورٹی اداروں کو الرٹ کر دیا گیا اور میئر آفس کے اطراف سیکیورٹی سخت کر دی گئی جبکہ مکمل تلاشی کا عمل جاری ہے۔
حکام کا کہنا ہے کہ سائبر کرائم ٹیمیں ای میل کے ماخذ کا سراغ لگانے میں مصروف ہیں اور بھیجنے والے کی شناخت کے لیے کوششیں جاری ہیں۔
مزید پڑھیں: جھارکھنڈ سے دہلی جانے والی ایئر ایمبولینس حادثے کا شکار، تمام مسافر ہلاک
پولیس کے مطابق مزید تحقیقات جاری ہیں اور تاحال کسی دھماکے یا مشتبہ شے کی تصدیق نہیں ہوئی۔
