پاکستان بھر میں بیساکھی کے تہوار کی تقریبات روایتی جوش و خروش سے جاری ہیں جس کے دوران ملک کی اعلیٰ قیادت نے بین المذاہب ہم آہنگی اور اقلیتی برادریوں کے مساوی حقوق کے تحفظ کے عزم کو دہرایا ہے۔
یہ بھی پڑھیں:’دل کرتا ہے اپنا امریکی پاسپورٹ پھاڑ کر پاکستان میں ہی رہ جاؤں‘، سکھ یاتری کا پاکستانیوں سے محبت کا اعتراف
صدر مملکت آصف علی زرداری اور وزیراعظم شہباز شریف نے اپنے تہنیتی پیغامات میں واضح کیا کہ آئینِ پاکستان بلا تفریق مذہب و ملت تمام شہریوں کی جان، مال اور وقار کے تحفظ کی ضمانت دیتا ہے۔
Prime Minister Shehbaz Sharif extends warm greetings to Sikhs in Pakistan and worldwide on Baisakhi, wishing the festival brings happiness, peace, and prosperity to all.#Baisakhi2026 #PMShehbazSharif #SikhCommunity #PakistanTV pic.twitter.com/mneyyMK6mC
— Pakistan TV (@PakTVGlobal) April 14, 2026
صدر زرداری نے قائد اعظم کے وژن کی روشنی میں اقلیتوں کی سماجی و اقتصادی فلاح کو ریاست کی اولین ذمہ داری قرار دیا، جبکہ وزیراعظم شہباز شریف نے اسلامی تعلیمات کے حوالے سے مذہبی آزادی اور رواداری کی اہمیت پر زور دیا۔
"The government continues to facilitate Hindu and Sikh pilgrims and ensure the upkeep and security of gurdwaras across the country. I reaffirm my commitment to ensuring equal rights for all communities across the country, regardless of their belief, caste or creed." pic.twitter.com/xb53GBHS5n
— The President of Pakistan (@PresOfPakistan) April 14, 2026
اس موقع پر چیئرمین سینیٹ یوسف رضا گیلانی نے کہا کہ پارلیمنٹ نے اقلیتوں کے خلاف ہر قسم کے امتیازی سلوک کے خاتمے اور ان کی عبادت گاہوں کے تحفظ کے لیے مؤثر قانون سازی کر رکھی ہے۔
چیئرمین سینیٹ سید یوسف رضا گیلانی نے ہندو اور سکھ برادری کو بیساکھی کی دلی مبارکباد دی۔
انہوں نے کہا کہ بیساکھی خوشی، امید اور بھائی چارے کی علامت ہے، جو باہمی احترام، رواداری اور ہم آہنگی کو فروغ دیتی ہے۔ انہوں نے اقلیتوں کے حقوق، مذہبی آزادی اور مساوات کے تحفظ کے عزم کو بھی… pic.twitter.com/Fu20Q1khPq
— ᴏꜰꜰɪᴄᴇ ᴏꜰ ᴛʜᴇ ᴄʜᴀɪʀᴍᴀɴ ꜱᴇɴᴀᴛᴇ, ᴘᴀᴋɪꜱᴛᴀɴ (@OfficeSenate) April 14, 2026
یہ بھی پڑھیں: وساکھی میلہ: 2840 سکھ یاتری واہگہ بارڈر کے راستے پاکستان پہنچ گئے، پرتپاک استقبال
خاتونِ اول آصفہ بھٹو زرداری نے بھی ہندو اور سکھ خاندانوں کو مبارکباد پیش کرتے ہوئے دیہی علاقوں کی محنت کش خواتین کے کردار کو سراہا اور کہا کہ یہ متنوع روایات ہماری قومی شناخت کا اہم حصہ ہیں۔
I also extend my deep respect and warmest wishes to our Hindu and Sikh brothers and sisters who gather in prayer and celebration on this day. Your traditions, your devotion and your spirit of community are a cherished part of the beautiful and diverse tapestry of our nation. pic.twitter.com/ZdeRQpxGrq
— The President of Pakistan (@PresOfPakistan) April 14, 2026
مذہبی امور کے وزیر سردار محمد یوسف نے گردوارہ پنجہ صاحب میں میڈیا سے گفتگو کرتے ہوئے مذہبی سیاحت کے فروغ کے لیے بڑے اقدامات کا اعلان کیا جس کے تحت پنجاب بھر میں 40 سے زائد گردواروں کی بحالی اور انہیں عبادت کے لیے کھولنے کا کام جاری ہے۔
یہ بھی پڑھیں: وساکھی میلہ: بھارت سے سکھ یاتریوں کی پاکستان آمد شروع،واہگہ بارڈر پر بھرپور انتظامات
حکومتی منصوبے کے مطابق ننکانہ صاحب میں یاتریوں کے لیے جدید رہائشی سہولیات فراہم کی جا رہی ہیں جبکہ حسن ابدال میں بزرگ زائرین کی سہولت کے لیے لفٹ کی تنصیب بھی عمل میں لائی جا رہی ہے۔
Minister for Religious Affairs and Interfaith Harmony Sardar Muhammad Yousaf says government is committed to provide all possible facilitation to Sikh yatrees@MORAisbOfficial #RadioPakistan #news https://t.co/VjvNZKVA1x
— Radio Pakistan (@RadioPakistan) April 14, 2026
وفاقی وزیر نے بھارت پر بھی زور دیا کہ وہ سکھ یاتریوں کے لیے کرتار پور راہداری تک رسائی کو آسان بنائے تاکہ علاقائی تعاون اور مذہبی سیاحت کو مزید تقویت مل سکے۔
پاکستان کی جانب سے ان عملی اقدامات اور قیادت کے متفقہ پیغامات نے عالمی سطح پر ملک میں مذہبی ہم آہنگی اور اقلیتوں کے لیے فراہم کردہ سازگار ماحول کی ساکھ کو مزید مستحکم کیا ہے۔
