سعودی عرب کے امام ترکی بن عبداللہ رائل نیچر ریزرو میں قدرتی ماحول کی بحالی اور تحفظ کے اقدامات کے نتیجے میں جنگلی حیات کی افزائش میں نمایاں اضافہ ریکارڈ کیا گیا ہے، جہاں رواں سال کی پہلی سہ ماہی کے دوران 90 سے زائد مختلف جنگلی جانوروں کی پیدائش رپورٹ ہوئی ہے۔
Over 90 Wild Species Births Recorded in Imam Turki Royal Nature Reserve in Q1 2026.https://t.co/nYXK3RjT7e#SPAGOV pic.twitter.com/7MylyIoFEV
— SPAENG (@Spa_Eng) April 13, 2026
سعودی پریس ایجنسی (ایس پی اے) کے مطابق ریزرو ڈویلپمنٹ اتھارٹی نے بتایا ہے کہ یہ پیشرفت ماحولیاتی نظام کی مضبوطی اور کامیاب ری انٹرڈکشن پروگرامز کا نتیجہ ہے، جنہوں نے جنگلی حیات کو قدرتی ماحول میں دوبارہ پھلنے پھولنے کے مواقع فراہم کیے ہیں۔
یہ بھی پڑھیں:ہنگول نیشنل پارک میں نایاب ‘پرشین تیندوا’ دیکھا گیا، جنگلی حیات کے تحفظ کے لیے بڑی پیشرفت
اس عرصے میں 40 سے زائد عربین غزالوں کی پیدائش ریکارڈ کی گئی، جبکہ 15 سے زیادہ عربین اوریکس کے بچوں نے جنم لیا۔ اسی طرح 17 سے زائد کیپ ہیر (خرگوش نما جنگلی جانور) کی پیدائش ہوئی، جبکہ 7 سرخ گردن والے شتر مرغ کے بچوں کے انڈوں سے نکلنے کی بھی تصدیق ہوئی۔ اس کے علاوہ 12 سے زائد راک ہائراکس (پہاڑی جانور) کی پیدائش بھی ریکارڈ کی گئی۔
Imam Turki bin Abdullah Royal Nature Reserve, A Haven of Environmental Diversity.https://t.co/PP9m3r6NCm#SPAGOV pic.twitter.com/7lM3oHZnDa
— SPAENG (@Spa_Eng) May 9, 2024
اتھارٹی کے مطابق یہ اضافہ اس بات کی علامت ہے کہ ریزرو میں موجود جنگلی حیات اب مصنوعی افزائش پروگرامز پر انحصار کے بجائے قدرتی ماحول میں خودمختار انداز میں افزائش نسل کر رہی ہے، جو ماحولیاتی توازن اور محفوظ رہائش گاہوں کی بحالی کا واضح ثبوت ہے۔
