بلوچستان کے ضلع لسبیلہ میں واقع ہنگول نیشنل پارک میں نایاب پرشین تیندوا دیکھا گیا ہے، جو کہ جنگلی حیات کے تحفظ کے حوالے سے ایک انتہائی اہم پیشرفت قرار دی جارہی ہے۔
یہ بھی پڑھیں: محکمہ وائلڈ لائف آزاد کشمیر کی کارکردگی پر سوالیہ نشان، مادہ چیتا بے چینی کا شکار
محکمہ جنگلات و جنگلی حیات بلوچستان کے سیکریٹری عمران گچھکی کے مطابق یہ نایاب جانور 6 اپریل کو ہنگول نیشنل پارک کے علاقے ‘سپٹ’ کے قریب تھرمل امیجنگ (حرارتی عکس بندی) کی مدد سے دیکھا گیا۔
انہوں نے مزید بتایا کہ فارسی چیتے کا شمار اس خطے کے ان شکاری جانوروں میں ہوتا ہے جو بہت مشکل سے دکھائی دیتے ہیں۔
یہ بھی پڑھیں: چترال میں نایاب برفانی چیتے کی پراسرار ہلاکت، انکوائری کمیٹی تشکیل
عمران گچھکی نے اس مشاہدے کو علاقے میں جنگلی حیات کی موجودگی کا ٹھوس ثبوت قرار دیتے ہوئے اس نایاب نسل کے تحفظ کی اہمیت پر زور دیا۔
انہوں نے کہا کہ محکمہ جنگلات نے چیتے کی حفاظت اور اس کی نسل کی بقا کے لیے خصوصی ٹیمیں تعینات کر دی ہیں تاکہ اس کے مسکن کو محفوظ بنایا جاسکے اور اس کے تحفظ کے لیے موثر اقدامات اٹھائے جاسکیں۔
