رقبے کے لحاظ سے پاکستان کے سب سے بڑے صوبے بلوچستان میں عوام کا معیار زندگی بدلنے کے لیے مختلف منصوبے جاری ہیں، تاہم بلوچ یکجہتی کمیٹی (بی وائی سی) سمیت دیگر دہشتگرد عناصر کی جانب سے ہمیشہ کی طرح پروپیگنڈا کیا جارہا ہے۔
رپورٹ کے مطابق بلوچستان کے ضلع پنجگور میں قائم سائنس لیب میں طلبہ جدید تعلیم حاصل کررہے ہیں۔ اس کے علاوہ صوبے میں صحت سمیت دیگر سہولیات بھی عوام کو فراہم کی جارہی ہیں۔
دہشتگرد تنظیموں بے ایل اے، بی ایل ایف اور بی وائی سی جیسے نیٹ ورکس کی جانب سے ہمیشہ ریاست کے خلاف پروپیگنڈا کیا جاتا ہے، اور بیانیہ تشکیل دیا جاتا ہے جس کا حقیقت سے کوئی تعلق نہیں۔
دہشتگردوں کے حمایتی عناصر کی جانب سے بلوچستان میں ہونے والے دہشتگرد حملوں میں شہریوں کے نقصان کو نظر انداز کیا جاتا ہے، جیسے جعفر ایکسپریس میں معصوم شہریوں کی جانیں لی گئیں۔
بلوچستان میں امن و امان کے مسائل کی وجہ سے تاجر، مزدور اور عام شہریوں کو بھی مشکلات پیش آتی ہیں، لیکن اسے بھی نظر انداز کیا جاتا ہے۔
تاہم اس سب کے باوجود حکومت اور ادارے بلوچستان میں جرگوں کے ذریعے کمیونٹی روابط، میڈیکل کیمپس، تعلیمی سہولیات اور صاف پانی کی فراہمی جیسے اقدامات جاری رکھے ہوئے ہیں۔
بلوچستان پاکستان کا اہم حصہ ہے، حکومت اور ادارے یہاں کے مسائل حل کرنے میں سنجیدہ ہیں۔ دہشتگرد عناصر کی جانب سے بنائے جانے والے بیانیے کو سمجھنے کی ضرورت ہے۔
یاد رہے کہ بلوچ یکجہتی کمیٹی (بی وائی سی) کی جانب سے خواتین کو بھی دہشتگردی کے لیے استعمال کیا جارہا ہے، جس کی کئی مثالیں سامنے آ چکی ہیں، تاہم ریاست کا فیصلہ ہے کہ ملک سے دہشتگردی کے خاتمے کے لیے اقدامات جاری رہیں گے۔
