مولانا طارق جمیل کی بچے سے مصافحہ نہ کرنے کی ویڈیو سوشل میڈیا پر وائرل ہونے کے بعد اس پر شدید تنقید کی گئی جس پر اب ان کے صاحبزادے یوسف جمیل نے تفصیلی وضاحت پیش کر دی ہے۔
یوسف جمیل کا کہنا ہے کہ بچے سے مصافحہ کرلینا چاہیے تھا کوئی ایسا مسئلہ نہیں تھا لیکن کیوں نہیں کیا مگر کسی بھی واقعے کا دوسرا پہلو سننا بھی ضروری ہوتا ہے۔ انہوں نے کہا کہ تنقید ہر شخص کا حق ہے مولانا طارق جمیل روزانہ ہزاروں لوگوں سے ملتے ہیں، مصافحہ کرتے ہیں، تصاویر بنواتے ہیں اور ہر ایک کی محبت کی قدر کرتے ہیں لیکن آخر وہ بھی ایک انسان ہیں جنہیں تھکن اور اکتاہٹ محسوس ہو سکتی ہے۔
Many of you saw the video of Maulana Tariq Jameel and the young boy where the Moulana didn’t shake his hand with the boy and looked like dismissing him. To clear up the misunderstandings, his son has shared the actual context of what happened. pic.twitter.com/yWbrGKFnwh
— Murtaza Ali Shah (@MurtazaViews) May 10, 2026
ویڈیو کے حوالے سے وضاحت کرتے ہوئے انہوں نے بتایا کہ یہ واقعہ رمضان المبارک کی ایک رات مدرسے میں ختمِ قرآن کے موقع پر پیش آیا اور یہ بچہ بھی باہر کا نہیں یہ ہمارے پاس رہتے ہیں اور پڑھ رہے ہیں، ان سے روزانہ ملاقات ہوتی ہے۔
انہوں نے کہا کہ سارا دن کا روزہ تھا پھر وہ عبادات کا اہتمام کرتے ہیں، سارا دن نہیں سوتے اور روزے میں بھی ایکسرسائز نہیں چھوڑتے اس کے باوجود رات پوری تراویح ادا کرتے ہیں اور پھر بہت جلد سوجاتے ہیں لیکن اس دن ان کو اپنی روٹین کے خلاف جا کر جاگنا اور بیان کرنا تھا۔ اگر اس لمحے میں بچے کو نظر انداز ہوا تو یہ جان بوجھ کر نہیں تھا۔ تنقید ضرور کریں آپ کا حق ہے لیکن جو میں بات کر رہا ہوں اس کو بھی سنیں اور سمجھیں۔
یہ بھی پڑھیں: ڈاکٹر نبیحہ نے حد سے تجاوز کیا، تنقید کے بعد مولانا طارق جمیل کے بیٹے خاموش نہ رہ سکے
ان کا کہنا تھا کہ کسی بھی انسان کو کوئی کام تواتر سے کرنا پڑتا ہے تو کبھی نہ کبھی اس میں اکتاہٹ آجاتی ہے، چاہے وہ کتنا ہی بڑا بزرگ یا کتنی بڑی شخصیت ہو انسان ہونے کے ناطے اس کو تھکاوٹ اور اکتاہٹ کا احساس ہو جاتا ہے یہ غیر فطری نہیں ہے۔
یہ بھی پڑھیں: مولانا طارق جمیل اداکارہ وینا ملک کو کیوں ڈھونڈتے پھر رہے تھے؟
مولانا طارق جمیل کے بیٹے نے کہا کہ اس عمر میں اس طرح دن بھر کی روٹین کے بعد اگر ایک شخص کسی کو تھوڑا نظر انداز کرتا ہے تو ہمیں اس کو گنجائش دینی چاہیے۔ تھوڑا سا اس کی شخصیت کا خیال رکھیں، اس کی عمر، مرتبے اور نسبت کا کہ وہ شخصیت کون ہیں۔ ایک دین دار اور اللہ والے کی شخصیت کی عزت یقیناً زیادہ ہوتی ہے۔
