نائب وزیراعظم و وزیر خارجہ اسحاق ڈار نے کہا ہے کہ پاکستان اور چین کے درمیان سیاسی، معاشی اور اسٹریٹجک تعاون کو مزید وسعت دینے کے لیے اعلیٰ سطحی روابط جاری ہیں۔ وہ وزیر منصوبہ بندی احسن اقبال کے ہمراہ چین کے شہر بیجنگ پہنچ گئے ہیں جہاں وہ اہم سیاسی و اقتصادی اجلاسوں میں پاکستان کی نمائندگی کریں گے۔
Delighted to have arrived in Beijing, China, accompanied by Minister for Planning, Development & Special Initiatives, brother Ahsan Iqbal @betterPakistan.
We were warmly received at Beijing airport by Vice Minister of the International Department of the CPC Central Committee… pic.twitter.com/yStL12gQTC
— Ishaq Dar (@MIshaqDar50) May 24, 2026
اسحاق ڈار نے اپنے سوشل میڈیا پیغام میں بتایا کہ وہ ہانگژو میں وزیراعظم شہباز شریف کی قیادت میں ہونے والی پاکستان–چین بی ٹو بی انویسٹمنٹ کانفرنس میں شرکت کے بعد بیجنگ کے لیے روانہ ہوئے ہیں۔ ان کے مطابق اس دورے کا مقصد پاکستان–چین سیاسی جماعتوں کے فورم اور سی پیک مشترکہ مشاورتی میکنزم کے دوسرے اجلاس کی مشترکہ صدارت کرنا ہے۔
یہ بھی پڑھیں:بنگلہ دیش کے اعلیٰ سول افسران کے وفد کا وزارت خارجہ کا دورہ، اسحاق ڈار کا خیرمقدم
انہوں نے کہا کہ بیجنگ میں ہونے والے ان اجلاسوں میں پاکستان کی 12 سیاسی جماعتوں کے نمائندے شریک ہوں گے، جن میں پاکستان مسلم لیگ (ن) بھی شامل ہے۔ اس موقع پر چین کی جانب سے ڈپٹی وزیر خارجہ برائے بین الاقوامی امور اور سی پی سی سینٹرل کمیٹی کے نمائندے بھی شریک ہوں گے۔
After attending the Pakistan–China B2B Investment Conference , led by Prime Minister Shehbaz Sharif @CMShehbaz, in Hangzhou this morning, I am now departing for Beijing to co-chair the 2nd Pakistan–China Political Parties Forum and the 4th CPEC Political Parties Joint…
— Ishaq Dar (@MIshaqDar50) May 24, 2026
اسحاق ڈار نے کہا کہ وہ ان ملاقاتوں میں سیاسی باہمی اعتماد کو مضبوط بنانے، سی پیک کے اعلیٰ معیار کے تعاون کو آگے بڑھانے اور پاک چین دیرینہ دوستی کو مزید مستحکم کرنے پر بات چیت کے منتظر ہیں۔
انہوں نے اپنے پیغام میں یہ بھی بتایا کہ انہیں بیجنگ ایئرپورٹ پر چین کی کمیونسٹ پارٹی کی بین الاقوامی شعبے کی نائب وزیر سن ہائیان نے خوش آمدید کہا۔
