آسٹریلیا کے خلاف ون ڈے سیریز سے قبل قومی کرکٹ ٹیم کی راولپنڈی اسٹیڈیم میں پریکٹس

پیر 25 مئی 2026

پاکستان اور آسٹریلیا کے درمیان ون ڈے سیریز کی تیاریوں کے سلسلے میں قومی ٹیم نے راولپنڈی کرکٹ اسٹیڈیم میں پریکٹس سیشن میں حصہ لیا۔

پریکٹس سیشن کے دوران قومی کھلاڑیوں نے نیٹس میں بیٹنگ اور بولنگ کی مشقیں کیں، جبکہ سیشن سے قبل کھلاڑیوں نے فیلڈنگ ڈرلز میں بھی حصہ لیا۔

کوچز کی جانب سے کھلاڑیوں کو فیلڈنگ کے مختلف ڈرلز کروائے گئے اور مختلف ٹاسکس بھی دیے گئے۔

قومی ٹیم کا اگلا پریکٹس سیشن 29 مئی کو ہوگا۔

واضح رہے کہ پاکستان اور آسٹریلیا کے درمیان ون ڈے سیریز کا انعقاد 30 مئی سے 4 جون تک ہوگا، جس کے میچز راولپنڈی اور لاہور میں کھیلے جائیں گے۔

3 میچوں پر مشتمل سیریز کا پہلا میچ 30 مئی کو راولپنڈی کرکٹ اسٹیڈیم میں کھیلا جائے گا، جبکہ باقی دو میچز یکم اور 2 جون کو لاہور کے قذافی اسٹیڈیم میں ہوں گے۔ سیریز کے تمام میچز مقامی وقت کے مطابق شام ساڑھے چار بجے شروع ہوں گے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں