امریکی صدر ڈونلڈ ٹرمپ نے ایران کے ساتھ جاری کشیدگی اور ممکنہ امن معاہدے سے متعلق صورتحال پر غور کے لیے بدھ کے روز وائٹ ہاؤس میں اہم کابینہ اجلاس طلب کر لیا۔
یہ بھی پڑھیں: امریکی صدر ڈونلڈ ٹرمپ کی صحت کا معاملہ، ایک اور طبی معائنہ متوقع
قبل ازیں مذکورہ اجلاس کیمپ ڈیوڈ میں منعقد کرنے کا اعلان کیا گیا تھا تاہم اب میٹنگ کا مقام تبدیل کردیا گیا ہے۔
امریکی صدر ڈونلڈ ٹرمپ نے ٹروتھ سوشل پر بتایا کہ انہوں نے ممکنہ خراب موسمی حالات کے باعث کابینہ اجلاس کیمپ ڈیوڈ کی بجائے وائٹ ہاؤس میں منعقد کرنے کا فیصلہ کیا ہے۔
Trump moves Cabinet meeting from Camp David to White House due to weather. https://t.co/7APUVAStwc
— CBS News (@CBSNews) May 26, 2026
صدر ٹرمپ نے اپنے بیان میں کہا کہ بدھ کو متوقع خراب موسم کے پیشِ نظر کابینہ اجلاس وائٹ ہاؤس میں منعقد کیا جائے گا جبکہ کیمپ ڈیوڈ کا طے شدہ دورہ مؤخر کر دیا گیا ہے۔
مزید پڑھیے: ان لوگوں پر ہنستا ہوں جو امریکا ایران معاہدے پر حقائق جانے بغیر رائے دے رہے ہیں، امریکی صدر ڈونلڈ ٹرمپ
وائٹ ہاؤس حکام اور امریکی میڈیا رپورٹس کے مطابق اجلاس میں تمام کابینہ ارکان شرکت کریں گے جن میں سبکدوش ہونے والی ڈائریکٹر نیشنل انٹیلی جنس تلسی گیبارڈ بھی شامل ہوں گی۔
BREAKING: President Trump will convene a rare Cabinet meeting at Camp David on Wednesday as negotiations with Iran enter a critical phase.
All Cabinet members are expected to attend the meeting, Fox News has confirmed, including outgoing Director of National Intelligence Tulsi…
— Fox News (@FoxNews) May 26, 2026
رپورٹس کے مطابق اجلاس میں ایران سے متعلق جاری مذاکرات، امریکی معیشت، چھوٹے کاروبار کی کارکردگی، دھوکہ دہی کے خاتمے کے لیے قائم ٹاسک فورس کی پیشرفت اور اہم خارجہ پالیسی امور زیر غور آئیں گے۔
یہ اجلاس ایسے وقت میں ہو رہا ہے جب امریکا اور ایران کے درمیان ممکنہ امن معاہدے کے لیے مذاکرات جاری ہیں۔ صدر ٹرمپ نے ان مذاکرات کو مثبت قرار دیتے ہوئے کہا ہے کہ امریکا اچھا معاہدہ کرے گا یا پھر کوئی معاہدہ نہیں ہوگا۔
مزید پڑھیں: ایران کے ساتھ مذاکرات منظم اور تعمیری انداز میں آگے بڑھ رہے ہیں، معاہدے تک ناکہ بندی جاری رہے گی، ڈونلڈ ٹرمپ
کیمپ ڈیوڈ میں اجلاس کے انعقاد کو صورتحال کی حساسیت کی علامت قرار دیا جا رہا ہے۔
SECRETARY RUBIO: The President is going to make a good deal or no deal. pic.twitter.com/BNcWfpYckL
— Department of State (@StateDept) May 26, 2026
دریں اثنا امریکی وزیر خارجہ مارکو روبیو نے بھی کہا ہے کہ ایران سے ممکنہ معاہدے میں چند روز لگ سکتے ہیں اور قطر میں مذاکرات جاری ہیں۔ انہوں نے واضح کیا کہ صدر ٹرمپ یا تو بہتر معاہدہ کریں گے یا پھر کوئی معاہدہ نہیں کریں گے۔
