پاکستان نے راولپنڈی کرکٹ اسٹیڈیم میں کھیلے گئے پہلے ایک روزہ بین الاقوامی میچ میں مہمان ٹیم آسٹریلیا کو باآسانی 5 وکٹوں سے شکست دے کر 3 میچوں کی سیریز میں ایک صفر کی برتری حاصل کرلی ہے۔
نوجوان آل راؤنڈر عرفات منہاس کی تباہ کن باؤلنگ اور مایہ ناز بلے باز بابر اعظم کی ذمہ دارانہ بیٹنگ کی بدولت پاکستان نے 201 رنز کا مطلوبہ ہدف 42.3 اوورز میں 5 وکٹوں کے نقصان پر حاصل کرلیا۔
Pakistan playing XI for the first ODI vs Australia 🇵🇰✨
Arafat Minhas is making his ODI debut today 🏏
➡️ Download #PCBLIVE app now 📲
Google Play Store: https://t.co/5mBlUcoG8g
Apple App Store: https://t.co/RpeYQPshnh
Watch Live: https://t.co/M8wsOD8omx#PAKvAUS |… pic.twitter.com/XvS4AemSOj— Pakistan Cricket (@TheRealPCB) May 30, 2026
میچ میں آسٹریلوی ٹیم ٹاس جیت کر پہلے بیٹنگ کرتے ہوئے پاکستانی اسپنرز کے سامنے ریت کی دیوار ثابت ہوئی اور پوری ٹیم 44.1 اوورز میں محض 200 رنز پر ڈھیر ہو گئی۔ کینگروز کی جانب سے اوپنر میتھیو شارٹ نے 55 اور مڈل آرڈر بیٹر میٹ رینشا نے 61 رنز بنا کر کچھ مزاحمت دکھائی، تاہم ان کے علاوہ کوئی بھی بلے باز زیادہ دیر پچ پر نہ ٹک سکا۔
یہ بھی پڑھیں: پاکستان اور آسٹریلیا کے پہلے ون ڈے میچ کے تمام ٹکٹس فروخت
مارنس لبوشین اور کیمرون گرین جیسے اسٹار بیٹرز کھاتہ کھولے بغیر ہی پویلین لوٹ گئے۔ پاکستان کی جانب سے نوجوان اسپنر عرفات منہاس نے تاریخی اسپیل کرتے ہوئے اپنے 10 اوورز میں صرف 32 رنز دے کر 5 اہم وکٹیں حاصل کیں جبکہ ابرار احمد نے 2 کھلاڑیوں کو آؤٹ کیا۔
شاندار آل راؤنڈر کااکردگی پر پاکستان کے عرفات منہاس کو مین آف دی میچ قرار دیا گیا۔
🚨 TOSS ALERT 🚨
Pakistan win the toss and opt to field first 🏏
➡️ Download #PCBLIVE app now 📲
Google Play Store: https://t.co/5mBlUco8iI
Apple App Store: https://t.co/RpeYQPrJxJ
Watch Live: https://t.co/M8wsOD7QwZ#PAKvAUS | #BackTheBoysInGreen | #TakraarKaTime pic.twitter.com/nlJUb9QCCm— Pakistan Cricket (@TheRealPCB) May 30, 2026
ہدف کے تعاقب میں پاکستان کا آغاز بھی کچھ خاص نہ تھا اور اوپنر معاذ صداقت صرف 8 رنز بنا کر آؤٹ ہوگئے، لیکن اس کے بعد بابر اعظم اور وکٹ کیپر بیٹر غازی غوری نے میچ کا پانسہ پلٹ دیا۔
بابر اعظم نے روایتی پراعتماد انداز اپناتے ہوئے 94 گیندوں پر 69 رنز کی اننگز کھیلی، جس میں 4 چوکے اور 2 فلک شگاف چھکے شامل تھے۔ دوسری جانب غازی غوری نے ان کا بھرپور ساتھ دیا اور 92 گیندوں پر 65 رنز کی انتہائی قیمتی اننگز کھیل کر ٹیم کو فتح کے قریب پہنچا دیا۔
یہ بھی پڑھیں: عرفات منہاس ون ڈے ڈیبیو میں 5 وکٹیں لینے والے پاکستان کے پہلے بولر بن گئے
آسٹریلیا کی جانب سے سب سے کامیاب باؤلر نیتھن ایلس رہے، جنہوں نے شاندار باؤلنگ کا مظاہرہ کرتے ہوئے اپنے کوٹے کے اوورز میں صرف 30 رنز دے کر 2 وکٹیں حاصل کیں۔
ان کے علاوہ تنویر سنگھا، میتھیو کونیمین اور مارنس لبوشین نے ایک ایک وکٹ اپنے نام کی، جبکہ بلی اسٹین لیک اور کیمرون گرین کوئی وکٹ حاصل کرنے میں کامیاب نہ ہو سکے۔
پاکستان نے اپنا 1000 واں ون ڈے میچ کھیلنے کا اعزاز حاصل کرلیا
پاکستان نے آج کرکٹ کی تاریخ میں ایک اور سنہرا باب رقم کرتے ہوئے اپنا 1000 واں ون ڈے میچ کھیلنے کا اعزاز حاصل کرلیا ہے، اور اس یادگار اور تاریخی موقع پر راولپنڈی کرکٹ اسٹیڈیم کو اس عظیم میچ کی میزبانی کا شرف حاصل ہوا ہے۔
آسٹریلیا کے خلاف کھیلے جا رہے اس تاریخی مقابلے کے آغاز پر ایک پروقار لمحہ اس وقت دیکھنے کو آیا جب آسٹریلوی کپتان جوش انگلس نے اس یادگار میچ کی مناسبت سے پاکستانی کپتان شاہین شاہ آفریدی کو ایک خصوصی سووینئر پیش کیا۔
اس عظیم سنگِ میل کو عبور کرنے کے بعد پاکستان ون ڈے کرکٹ کی تاریخ میں 1000 میچز کھیلنے والی دنیا کی محض تیسری ٹیم بن گئی ہے، جو ملکی کرکٹ کے شاندار ماضی اور تسلسل کا منہ بولتا ثبوت ہے۔
اس تاریخی اور یادگار موقع پر پاکستان کی نمائندگی کرنا ان کے لیے انتہائی فخر اور اعزاز کی بات ہے، شاہین آفریدی
ٹاس کے موقع پر گفتگو کرتے ہوئے قومی ٹیم کے کپتان شاہین شاہ آفریدی کا کہنا تھا کہ اس تاریخی اور یادگار موقع پر پاکستان کی نمائندگی کرنا ان کے لیے انتہائی فخر اور اعزاز کی بات ہے، اور پوری ٹیم اس میچ کو جیت کر یادگار بنانے کے لیے پرعزم ہے۔
یہ تاریخی مقابلہ جہاں پاکستان کرکٹ کے ایک طویل اور شاندار سفر کی علامت ہے، وہی راولپنڈی میں موجود ہزاروں شائقینِ کرکٹ بھی اس یادگار لمحے کا گواہ بننے پر بے حد پرجوش دکھائی دے رہے ہیں۔
