پاکستان کرکٹ بورڈ (پی سی بی) نے پاکستان سپر لیگ (پی ایس ایل) کے آٹھویں ایڈیشن کے لیے سیزن پاسز اور ٹکٹوں کی فروخت کا اعلان کردیا ہے۔
مائیکرو بلاگنگ ویب سائٹ ٹوئٹر پرپاکستان سپر لیگ کے آفیشل اکاونٹ سے ٹویٹ کرتے ہوئے لکھا گیا کہ ہفتہ کی صبح 11 بجے سے شائقین آن لائن ملتان اور کراچی لیگ کے میچوں کے لیے اپنے ٹکٹ بک کر سکتے ہیں ۔
اس کے علاہ ٹورنامنٹ کے دوران شائقین فزیکل ٹکٹ بھی خرید سکیں گے ۔ راولپنڈی اور لاہور میں ہونے والے میچز کے ٹکٹ جلد ہی خریداری کے لیے دستیاب ہوں گے ۔
13 فروری کو ملتان کرکٹ سٹیڈیم میں دفاعی چیمپئن لاہور قلندرز اور 2021 کی فاتح ملتان سلطانز کے درمیان افتتاحی میچ کے ٹکٹ وی آئی پی انکلوژرز کے لیے 6000 روپے، پریمیم کے لیے 3000 روپے، فرسٹ کلاس کے لیے 2000 روپے میں دستیاب ہوں گے ۔ جبکہ جنرل کے لیے ہزار روپے میں دستیا ب ہونگے ۔
🚨Season passes for HBL PSL 8 matches introduced🚨
HBL PSL introduces season pass for the first time! Tickets go on sale at 11AM tomorrow 4th February, 2023. Grab your season pass here 👉 https://t.co/hSBUE7qE3a
Read more➡ https://t.co/MoIPsJjDKT#HBLPSL8 | #SabSitarayHumaray pic.twitter.com/BCQn1rlSff
— PakistanSuperLeague (@thePSLt20) February 3, 2023
ٹکٹس کی قیمتیں سنتے ہی کرکٹ شائقین نے اپنی سوشل ٹائم لائنز کا رخ کیا اور پاکستان کرکٹ بورڈ کو پی ایس ایل کے لیے مہنگے ٹکٹس جاری کرنے پر شدید تنقید کا نشانہ بنایا ۔ دیکھتے ہی دیکھتے پاکستان سپر لیگ کی جانب سے کی گئی ٹویٹ کے نیچے تبصروں کی بھرمار ہوگئی ۔ شائقین نے خدشہ ظاہر کیا کہ کہ اتنے مہنگے ٹکٹس لینے کے بجائے کرکٹ شائقین گھر پر بیٹھ کر میچز دیکھنے کو ترجیح دیں گے اور سٹیڈیمز میں خالی کرسیاں تماشائی ہونگی ۔ اسی حوالے سے ٹوئٹر صارف جہانزیب میم شئیر کرتے ہوئے لکھا، ادھر زہر کھانے کو پیسا نہیں ہے ۔
Pakistani awaam to Najam Sethi on Tickets Prices of #PSL8 pic.twitter.com/ZT4EcBOWi1
— جہانزیب (@Jahanzaib_pk) February 3, 2023
وہی کچھ صارفین ملک کی معاشی حالت اور مہنگائی کا رونا روتے ہوئے دیکھائی دیے، ایک صارف نے لکھا کیا پی سی بی انتظامیہ مریخ پر رہتی ہے؟ پاکستان میں اس وقت مہنگائی کی شرح چالیس فیصد سے زیادہ ہے، ہر روز کروڑوں لوگ غربت کی لکیر سے نیچے جاتے جا رہے ہیں ،اور یہاں قیمتوں میں اضافہ ہوتا جا رہا ہے ۔ سیزن کے وسط میں قیمتیں کم کرنے پر مجبور ہوجائیں گے ۔
is PCB management living on Mars ? Inflation rate in Pakistan is currently 40 %, every day million of people are falling down the poverty line, and here they come with hopping prices of PSL matches. In mid of season they will be forced to reduce it.
— Sohail Khan (insafian) (@khan_lounge) February 3, 2023
گفتگو آگے بڑھی تو صارفین نے پی ایس ایل میچزکا انڈیا اور پاکستان کے میچ سے موازنہ شروع کردیا ، وہی کچھ صارفین نے راولپنڈی سٹیڈیم میں میں لگائی گئی کرسیوں پر پی سی بی انتظامیہ کو آڑے ہاتھوں لیا۔ صارف شیڈی نے لکھا یہ ولیمے والی کرسیوں پر بیٹھنے کے اتنے مہنگے ٹکٹ کیوں؟
Yeh walimay wali kursiyu 🪑py baithny k itne mehngy ticket 🎟 kyu 🤔
— SHADDY. (@irfann_ehmad7) February 3, 2023
اس سے قبل پی سی بی نے پریس ریلیز میں کہا کہ پہلی بار پی سی بی نے انتہائی رعایتی سیزن پاسز جاری کیے ہیں جس میں ویک ڈے گیمز شامل ہیں۔ ایسا کرکٹ کے شائقین کو ٹکٹ خریدنے پر آمادہ کرنے کے لیے کیا گیا ہے تاکہ وہ مختصر فارمیٹ کے کچھ قابل کرکٹرز کو پاکستان کرکٹ کی سب سے بڑی لیگ میں لائیو دیکھ سکیں۔
پی سی بی نے یہ بھی کہا ہے کہ ایک ٹکٹ ایک شناختی کارڈ پر خریدا جا سکتا ہے۔ جن کے پاس CNIC نہیں ہے، وہ اپنے پاسپورٹ کا استعمال کرکے ٹکٹ خرید سکتے ہیں، جبکہ 18 سال سے کم عمر والوں کو B-فارم درکار ہوگا۔ تمام تماشائیوں کو حکومت کی طرف سے جاری کردہ آئی ڈی لانے کی ضرورت ہوگی جس کے ذریعے انہوں نے ٹکٹ خریدے ہیں۔
یاد رہے کہ پی ایس ایل 8 کا آغاز 13 فروری سے ہوگا۔ راولپنڈی میں 11 میچز ہوں گے، کراچی اور لاہور 9، نو میچز کی میزبانی کریں گے جب کہ ملتان میں 5 میچز کھیلے جائیں گے
