ڈیجیٹل کریئیٹر اور اداکار فیروز خان کی سابق اہلیہ علیزہ سلطان ایک بار پھر سوشل میڈیا صارفین کی توجہ کا مرکز بن گئی ہیں جب ان کی حالیہ ویڈیو میں انہیں حجاب کے بغیر دیکھا گیا جس پر صارفین کی جانب سے ملا جلا اور شدید ردِعمل سامنے آیا ہے۔
حال ہی میں سیدہ علیزہ سلطان نے اپنے انسٹاگرام اکاؤنٹ پر ایک مختصر ویڈیو شیئر کی جس میں وہ حجاب کے بغیر نظر آئیں۔ ویڈیو میں انہیں اپنی دوست کے ہمراہ خوشگوار موڈ میں دیکھا جا سکتا ہے۔
View this post on Instagram
سیدہ علیزہ سلطان کی بغیر حجاب ویڈیو نے بہت سے مداحوں کو حیران کر دیا، اور کئی افراد نے ان کے حجاب چھوڑنے کے فیصلے پر سوالات اٹھائے۔ ایک صارف نے لکھا ’کیا آپ نے حجاب پہننا شروع نہیں کیا تھا؟ اب بغیر حجاب کے پوسٹ کیوں کر رہی ہیں؟‘
ایک اور سوشل میڈیا صارف نے کہا ’میں بھی یہی سوچ رہا تھا یہ پہلی بار ہے کہ وہ بغیر حجاب کے نظر آئی ہیں‘۔ ایک کمنٹ میں لکھا گیا ’جو لوگ ان کی حمایت کر رہے ہیں وہ سمجھیں کہ یہ ان کا ذاتی فیصلہ ہو سکتا ہے لیکن حجاب کو ہلکے میں نہیں لینا چاہیے اسے شروع کرنا، پھر چھوڑ دینا اور پھر دوبارہ شروع کرنا درست نہیں‘۔ ایک اور صارف نے تبصرہ کیا ’تو پھر میڈم کا حجاب آہستہ آہستہ غائب ہو گیا ہے۔ کیا ڈرامہ ہے‘۔ ایک اور نے لکھا ’میڈم کا حجاب کہاں چلا گیا؟‘۔
