پاکستان کی ویٹرن اداکارہ بشریٰ انصاری نے عمر سے متعلق تنقید کرنے والوں کو آڑے ہاتھوں لیتے ہوئے کہا ہے کہ ناقدین کو اب پرانے طعنے دہرانے کے بجائے کچھ نیا سوچنا چاہیے۔
یہ بھی پڑھیں: کیا بشریٰ انصاری نے خوبصورتی کے لیے لپ فلرز کروائے؟ اصل حقیقت سامنے آگئی
بشریٰ انصاری اپنی بھانجی زارا نور عباس کی انسٹاگرام اسٹوریز میں نظر آئیں جہاں وہ آموں سے لطف اندوز ہوتے ہوئے اپنے ناقدین کے بارے میں اظہار خیال کر رہی تھیں۔
انہوں نے کہا کہ کبھی کسی کو بوڑھا کہتے ہیں اور کبھی کسی کو موٹا یہ لوگ عجیب رویہ رکھتے ہیں۔
جب زارا نور عباس کے شوہر اسد صدیقی نے ان سے پوچھا کہ وہ کن لوگوں کی بات کر رہی ہیں تو بشریٰ انصاری نے جواب دیا کہ اگر ان ناقدین کے سوشل میڈیا پروفائلز دیکھے جائیں تو وہاں پرندوں کی تصاویر نظر آتی ہیں حالانکہ کچھ اور ہونا چاہیے۔
بعد ازاں انہوں نے ہنستے ہوئے کہا کہ چونکہ انہیں کتوں سے محبت ہے اس لیے شاید سانپ کی مثال زیادہ مناسب ہوگی۔
اسی دوران ان کی بہن اسما عباس بھی گفتگو میں شامل ہوئیں اور کہا کہ وہ بھی عمر سے متعلق ایک ہی قسم کے جملے سن سن کر تنگ آ چکی ہیں۔
مزید پڑھیے: جاوید شیخ دوست اداکارہ بشریٰ انصاری پر شدید برہم، وجہ کیا بنی؟
انہوں نے کہا کہ یہ ‘بوڑھی گھوڑی’ اور ’ایک پاؤں قبر میں‘ جیسے جملے اب پرانے ہو چکے ہیں لوگوں کو کچھ نیا سوچنا چاہیے۔
بشریٰ انصاری نے مزاحیہ انداز میں کہا کہ شاید انہیں کوئی ایسا کام کر لینا چاہیے جو واقعی لوگوں کو بات کرنے کا موقع دے کیونکہ اس وقت ناقدین کے پاس ان کی عمر کے علاوہ بات کرنے کے لیے کچھ نہیں۔
انہوں نے مزید کہا کہ ممکن ہے ناقدین ان سے اور ان کی بہن سے اس لیے حسد کرتے ہوں کہ وہ عمر کے اس مرحلے میں بھی متحرک اور مصروف زندگی گزار رہی ہیں جبکہ تنقید کرنے والے خود شاید فارغ بیٹھے ہوں۔
مزید پڑھیں: بشریٰ انصاری جعلی اکاؤنٹس سے تنگ، عوام کو خبردار کردیا
واضح رہے کہ بشریٰ انصاری پاکستان کی معروف اور سینیئر ترین اداکاراؤں میں شمار ہوتی ہیں جنہوں نے کئی دہائیوں پر محیط اپنے کیریئر میں ڈرامہ، مزاح، میزبانی اور گلوکاری سمیت مختلف شعبوں میں نمایاں خدمات انجام دی ہیں۔ تاہم انہیں اکثر سوشل میڈیا پر عمر سے متعلق تنقید اور تعصبانہ رویوں کا سامنا بھی کرنا پڑتا ہے۔
