عوام پاکستان پارٹی کے رہنما مفتاح اسماعیل نے کہا ہے کہ تعلیمی اداروں میں بھرتیاں میرٹ کی بنیاد پر ہونی چاہئیں اور اساتذہ کو ان کی صلاحیت اور کارکردگی کے مطابق مقام ملنا چاہیے۔
مزید پڑھیں:عوام پاکستان پارٹی کے سینیئر رہنما سید زعیم حسین قادری انتقال کر گئے
کراچی میں نیوز کانفرنس سے خطاب کرتے ہوئے انہوں نے کہا کہ حکومت عوام سے ٹیکس وصول کرتی ہے، اس لیے لوگوں کے حقوق کا تحفظ کرے اور ان کے ساتھ زیادتی نہ کی جائے۔
انہوں نے کہا کہ غریب اساتذہ کو بروقت تنخواہیں بھی نہیں ملتیں، جو قابلِ افسوس ہے۔
مفتاح اسماعیل نے مطالبہ کیا کہ تعلیم کو قومی ترجیح بنایا جائے اور اس شعبے میں سنجیدہ سرمایہ کاری کی جائے۔
انہوں نے کہا کہ اگر تعلیم واقعی اہم ہے تو اس کے لیے مناسب وسائل بھی فراہم کیے جائیں، جبکہ اساتذہ، تعلیمی ماہرین اور دیگر متعلقہ حلقوں کی آواز پالیسی سازوں تک پہنچنی چاہیے۔
مزید پڑھیں:’عوام پاکستان‘ پارٹی کا تحریری منشور جاری، اس میں خاص کیا ہے؟
انہوں نے کہا کہ پاکستان کی ترقی کا راستہ معیاری تعلیم اور مضبوط تعلیمی نظام سے ہو کر گزرتا ہے۔
