عوام پاکستان پارٹی کے سینیئر رہنما سید زعیم حسین قادری لاہور میں انتقال کر گئے۔
خاندانی ذرائع کے مطابق وہ آج صبح 4 بجے ڈیفینس کے ایک نجی اسپتال میں اپنے خالقِ حقیقی سے جا ملے۔
یہ بھی پڑھیں: شاہد خاقان کے وزیراعظم بنتے ہی شہباز شریف ان کے پیچھے پڑ گئے تھے، زعیم قادری
ذرائع کا کہنا ہے کہ سید زعیم قادری کو عارضہ قلب کے باعث 3 روز قبل نجی اسپتال منتقل کیا گیا تھا، جہاں وہ زیر علاج تھے۔
سید زعیم قادری ماضی میں مسلم لیگ (ن) کے رکن پنجاب اسمبلی اور حکومتی ترجمان کی حیثیت سے خدمات انجام دے چکے تھے۔
مزید پڑھیں: زعیم قادری عید کے بعد شاہد خاقان عباسی کی پارٹی میں شامل ہوں گے
وہ حالیہ عرصے میں عوام پاکستان پارٹی پنجاب کے ترجمان کے فرائض سرانجام دے رہے تھے۔
مرحوم کی نماز جنازہ آج شام بعد از نماز مغرب لارنس روڈ پر ادا کی جائے گی، سیاسی و سماجی حلقوں کی جانب سے ان کے انتقال پر گہرے دکھ اور افسوس کا اظہار کیا گیا ہے۔
