بنگلہ دیش میں شدید بارشوں کے باعث آنے والے سیلاب اور لینڈ سلائیڈنگ سے جانی و مالی نقصان ہوا ہے، جس پر وزیراعظم پاکستان شہباز شریف نے گہرے دکھ اور افسوس کا اظہار کرتے ہوئے بنگلہ دیش کی حکومت اور عوام سے یکجہتی کا اظہار کیا ہے۔
بنگلہ دیش میں شدید مون سون بارشوں کے نتیجے میں آنے والے سیلاب اور لینڈ سلائیڈنگ نے مختلف علاقوں میں بڑے پیمانے پر تباہی مچا دی ہے۔ قدرتی آفت کے باعث متعدد افراد جان کی بازی ہار گئے جبکہ ہزاروں شہری متاثر ہوئے ہیں۔ سیلابی پانی سے سڑکیں، مکانات اور بنیادی ڈھانچہ متاثر ہونے کے ساتھ امدادی سرگرمیوں میں بھی مشکلات پیش آ رہی ہیں۔
Deeply saddened by the tragic loss of life and widespread devastation caused by the severe floods and landslides in Bangladesh.
On behalf of the people of Pakistan, I extend my heartfelt condolences to the bereaved families and express our unwavering solidarity with the…— Shehbaz Sharif (@CMShehbaz) July 12, 2026
میڈیا رپورٹس کے مطابق شدید بارشوں کے بعد کئی نشیبی علاقے زیر آب آ گئے ہیں، جبکہ پہاڑی علاقوں میں لینڈ سلائیڈنگ کے باعث انسانی جانوں کے ضیاع اور املاک کو نقصان پہنچا ہے۔ حکام متاثرہ علاقوں میں امدادی اور بحالی کی کارروائیاں جاری رکھے ہوئے ہیں اور مزید بارشوں کے پیش نظر شہریوں کو احتیاطی تدابیر اختیار کرنے کی ہدایت کی گئی ہے۔
دریں اثنا وزیراعظم پاکستان شہباز شریف نے بنگلہ دیش میں سیلاب اور لینڈ سلائیڈنگ سے ہونے والی تباہی پر گہرے رنج و غم کا اظہار کیا ہے۔
یہ بھی پڑھیں:چین میں سیلاب کے باعث تقریباً 900 سانپ فرار، سرچ آپریشن جاری
سماجی رابطے کی ویب سائٹ ایکس پر اپنے بیان میں وزیراعظم نے کہا کہ بنگلہ دیش میں شدید سیلاب اور لینڈ سلائیڈنگ کے باعث قیمتی انسانی جانوں کے ضیاع اور وسیع پیمانے پر ہونے والی تباہی پر انہیں دلی افسوس ہے۔
انہوں نے کہا کہ پاکستان کے عوام کی جانب سے وہ جاں بحق افراد کے لواحقین سے دلی تعزیت کا اظہار کرتے ہیں اور بنگلہ دیش کی حکومت اور عوام کے ساتھ غیر متزلزل یکجہتی کا اعادہ کرتے ہیں۔
Current visuals after heavy flooding swept multiple people away, as nearby villagers rushed to rescue them in the Khowai River area of Habiganj District, Bangladesh.
At least 30 people have died over the past couple of days in severe weather-related incidents. pic.twitter.com/C2r05vLpEj
— Weather Monitor (@WeatherMonitors) July 10, 2026
وزیراعظم شہباز شریف نے زخمیوں کی جلد صحت یابی اور متاثرہ تمام افراد کی حفاظت و سلامتی کے لیے دعا بھی کی، جبکہ اس مشکل گھڑی میں بنگلہ دیشی عوام کے ساتھ پاکستان کی مکمل ہمدردی اور تعاون کا پیغام دیا۔
