2026 فیفا ورلڈ کپ کے فائنل میں ارجنٹائن کے کپتان لیونل میسی اور اسپین کے نوجوان اسٹار لامین یامال سب کی توجہ کا مرکز ہوں گے، تاہم اس تاریخی مقابلے سے چند گھنٹے قبل دونوں کی تقریباً 19 برس پرانی ایک نایاب تصویر دوبارہ سوشل میڈیا پر وائرل ہوگئی ہے۔
تصویر میں 20 سالہ لیونل میسی نومولود لامین یامال کو نہلا رہے ہیں، کئی برسوں تک سوشل میڈیا صارفین اس تصویر کو جعلی یا مصنوعی ذہانت سے تیار کردہ سمجھتے رہے، لیکن حقیقت میں یہ تصویر مکمل طور پر حقیقی ہے اور اس کے پیچھے ایک دلچسپ کہانی موجود ہے۔
یہ بھی پڑھیں: میسی کا نیا ورلڈ کپ ریکارڈ، مسلسل 7 میچوں میں گول کرنے والے پہلے کھلاڑی بن گئے
یہ تصویر دسمبر 2007 میں یونیسیف اور ایف سی بارسلونا فاؤنڈیشن کے زیر اہتمام ایک خیراتی کیلنڈر کے لیے بنائی گئی تھی۔
🗣️ Reporter: Could this photo become a World Cup final?
Lamine Yamal: “Yes, I’ve grown a little, and I think Leo has too. I hope it happens. I’d love to face Messi in a World Cup final.” 🐐🇪🇸🇦🇷 pic.twitter.com/Ae3MgYkiBq
— MC (@CrewsMat10) July 14, 2026
فوٹوگرافر جون مونفورٹ کے مطابق اس مہم کے تحت مقامی خاندانوں کے درمیان قرعہ اندازی کی گئی، جس میں لامین یامال کے والدین کا انتخاب ہوا اور اتفاق سے ان کے چند ماہ کے بیٹے کی فوٹو شوٹ اس وقت کے ابھرتے ہوئے بارسلونا اسٹار لیونل میسی کے ساتھ طے ہوگئی۔
اس وقت کسی کے وہم و گمان میں بھی نہیں تھا کہ میسی کی بانہوں میں موجود یہ شیر خوار بچہ ایک دن دنیا کے بہترین فٹبالرز میں شمار ہوگا، جبکہ یہ تصویر بھی فٹبال کی تاریخ کی یادگار ترین تصاویر میں شامل ہو جائے گی۔
مزید پڑھیں: فیفا ورلڈ کپ سے باہر ہونے کے باوجود ارلنگ ہالینڈ کی منفرد شخصیت کی دھوم
جب یہ تصویر لی گئی تو لیونل میسی کی عمر 20 سال تھی اور وہ بارسلونا کے اگلے عالمی سپر اسٹار کے طور پر ابھر رہے تھے، جبکہ لامین یامال جولائی 2007 میں پیدا ہوئے تھے اور اس وقت صرف چند ماہ کے تھے۔
Près de 20 ans après ces images, Lamine Yamal et Lionel Messi pourraient s’affronter en finale de Coupe du monde. pic.twitter.com/NbYnp3cvoi
— Views (@viewsfrance) July 15, 2026
لامین یامال نے اعتراف کیا کہ انہیں کئی برسوں تک اس تصویر کے وجود کا علم ہی نہیں تھا۔ بعد میں ان کے والد نے انہیں اس کے بارے میں بتایا، اور جب سوشل میڈیا پر یہ تصویر دوبارہ سامنے آئی تو دنیا بھر میں وائرل ہوگئی۔
میسی سے مسلسل موازنہ کیے جانے کے بارے میں یامال نے کہا کہ تاریخ کے عظیم ترین کھلاڑی سے موازنہ کسی کے لیے بھی اعزاز کی بات ہے، لیکن آخرکار یہ موازنہ آپ کی ترقی میں رکاوٹ بھی بن سکتا ہے کیونکہ آپ کبھی بھی وہ نہیں بن سکتے۔
Messi was 19, Yamal is 19. 19 years later, they’ll face each other at the World Cup final on the 19th. Both scored their first World Cup goal at 18 wearing the same jersey number 19. Messi wants a second title, Yamal wants his first.
WORK HARD TILL YOUR IDOL BECOMES YOUR RIVAL🐐 pic.twitter.com/hmkfAciSMd
— Chop life (@choplife_fcb) July 16, 2026
دوسری جانب لیونل میسی نے اگرچہ اس مخصوص فوٹو شوٹ پر کبھی عوامی طور پر تبصرہ نہیں کیا، تاہم وہ مختلف مواقع پر لامین یامال کی بھرپور تعریف کر چکے ہیں۔
ارجنٹینا کے کپتان کا کہنا ہے کہ یامال ان نوجوان کھلاڑیوں میں شامل ہیں جو انہیں اپنے ابتدائی دنوں کی یاد دلاتے ہیں، اور وہ کم عمری کے باوجود دنیا کے بہترین فٹبالرز میں شمار ہوتے ہیں۔
مزید پڑھیں: بنگلہ دیش میں ارجنٹینا سے غیر معمولی محبت کیوں؟ میراڈونا سے میسی تک جذباتی رشتہ
اب تقریباً 2 دہائیوں بعد قسمت نے ایک بار پھر دونوں کو آمنے سامنے لا کھڑا کیا ہے، لیکن اس بار نہ کوئی خیراتی مہم ہے اور نہ ہی فوٹو شوٹ، بلکہ فٹبال کے سب سے بڑے اسٹیج پر 2026 فیفا ورلڈ کپ کی ٹرافی دونوں کے درمیان فیصلہ کرے گی۔
